短時間完成嘅食譜~簡單咁叮一叮！有D辣嘅豆芽菜鴻喜菇美乃滋沙律

用微波就可以簡單咁完成嘅熱沙律。柚子醋同美乃滋、七味粉嘅清爽微辣，係適合喺夏天清淡享用嘅料理嚟嘅。凍咗上嚟都好好食㗎！除咗鴻喜菇以外，加入自己鐘意嘅菇類都OK！放喺雪櫃仲可以保存三天㖭啊。

兩人份

• 豆芽 一包
  
• 鴻喜菇 1/2包
  
• 吞拿魚罐頭 一罐
  
• 沙律醬 2大匙
  
• 柚子醋 1大匙
  
• 七味粉 1/2小匙
  
• 鹽 少少
  

做法

1. 切走鴻喜菇嘅底部，再剝開。
   
2. 喺耐熱嘅碗入面放入步驟1嘅鴻喜菇同豆芽。輕輕咁用保鮮膜封好，用600W嘅微波爐加熱大約2分30秒。
   
3. 將吞拿魚罐頭同全部嘅調味料放入步驟2嘅食材入面，攪拌均勻之後，倒入盤就大功告成㗎啦。