【5分鐘懶人包】日本主要和牛種類圖解

召集所有鍾意食日本燒肉、shabu shabu（涮涮鍋）以及牛扒等等嘅「牛魔王」讀者！高質「日本A5和牛」各位平時聽就聽得多，但您對贏盡世界掌聲嘅優質日本牛牛又有幾多了解呢？

日本和牛，主要可分為黑毛和種（Japanese Black）、赤毛和種（Japanese Brown）、日本短角和種（Japanese Shorthorn Cattle）以及無角和種（Japanese Poll）。

黑毛和種（Japanese Black）

純黑色體毛，身型較小，屬世上最高級嘅牛肉。日本黑毛和種（Japanese Black）過去主要出產地區為中國地區、近畿地區，現時出產地已廣泛分佈至日本全國各地。

褐毛和種（Japanese Brown）

出產地南至熊本縣、北至東北地區、北海道。體毛呈單色黃褐色，腹部、四肢內側、雙眼及牛鼻周圍毛色較淺，例如高知縣褐毛和種（Kochi  Japanese Brown）就因毛色差異，而被稱為「毛分（kewake）」。與黑毛和種（Japanese Black）相比，褐毛和種（Japanese Brown）較大。

日本短角和種（Japanese Shorthorn Cattle）

毛色為單色暗棕紅色，腹股溝呈白色斑點，體型同樣比較大。

無角和種（Japanese Poll）

主要分佈於山口縣阿武郡，屬一種由日本本土牛與西方牛隻混血而成嘅品種。無角和種最初源自黑毛和種將身驅、鼻、蹄同樣為純黑色嘅蘇格蘭安格斯牛交配混種而成，特徵為無角、身材矮小肥胖。

睇完以上日本和牛嘅簡介懶人包，係咪即時想瘋狂去食燒肉呢？下次去日本前先做定功課，咁就可以做個稱職又專業嘅「牛魔王」啦〜

想睇更多有關日本嘅漫畫文章？歡迎click入"Manga de Japan"網站瀏覽！