喺日本開車嘅潛規則

自駕遊係觀光客之間變得越嚟越流行，特別係沖繩或北海道等地。由於規則同開車禮儀唔同，去到其他國家開車，就算經驗老到嘅駕駛者都會傷腦筋。你唔識講當地語言唔緊要，但應該唔會想觸犯一啲當地交通法例啩。

以下將為你介紹喺日本駕駛時你未必知道嘅五項潛規則，令你開車更加得心應手。

1. 閃燈表達謝意

當其他駕駛者做咗一啲好事，例如交叉路口讓你行先，或者喺繁忙嘅街道都讓你超越，咁你就可以閃警示燈以示感謝。

一般情況下，駕駛者會向其他駕駛者微笑，輕輕點頭，或舉起手表示感謝。但如果你想感謝嘅車喺你後方，佢哋根本睇唔到你。

咁呢個情況發生時，你可以閃你部車嘅警示燈以傳達謝意。呢個喺日本係一種常見嘅開車習慣，而其他駕駛者都好認同呢種表達方式。

日本充滿狹窄、曲折嘅道路。當你習慣行駛喺寬敞且標示明顯車道嘅道路時，你可能需要花點時間去適應一個新嘅駕駛方式。

有啲道路只能容納一台車，但汽車雙向皆可行駛。

如果當你喺咁嘅道路行駛時，你可能要留意另一個方向前來嘅車。當發生會車嘅狀況時，最好就係將你嘅車退到道路嘅邊緣，讓對方通過。

如果你繼續保持前行，你可能會令到大家都無法往前進，迫使其中一方必須倒車，直到搵到一個定點退讓，讓對方通過。

如果駕駛時有疑問，最好停落嚟，俾其他車行先。

多得日本便利嘅電車路線，好多人每日朝早返工都係選擇行路或踩單車到車站。而當你開車時，途中可能會遇到好多行人。

喺每個斑馬線，你都必須俾行人優先行走。

好多路口係無設置停止燈或標示，但你每次見到有行人，都必須時時刻刻為停車讓人行先。其實呢項係法律所規定，而非開車嘅禮節。

你可以隨時辨別邊個係新手，因為可能睇得出佢哋跟唔上周圍嘅交通狀況。

然而，日本設計咗一個更加明顯地分辨新手嘅方法，就係喺佢哋部車上貼上一張又大又顯眼嘅貼紙。

喺日本，新手上路開車嘅第一年，就必須強制貼上一張黃綠色葉子狀嘅貼紙。

當你見到呢貼紙時，你就會知道前面呢首就係啱啱學識揸車嘅新手。當佢哋行駛速度無你咁快時，你可以避開佢哋，當係俾佢哋抖抖，唔好加大佢哋壓力啦。

你亦可能睇到車上貼有一張彩色幸運草形狀（之前嘅版本係橙黃色水滴形狀）嘅貼紙。其實係表示駕駛者如果年滿75歲或以上嘅話就必須強制貼上呢張貼紙。

最後一項提醒其實都唔係好關你嘅安全事，但係落雨天可以讓你避免額外花費。

根據日本法律，當你駕車行駛過水坑時濺起嘅泥水潑到人，你會被有6,000円嘅罰款。你唔單單需要繳納罰款金額，仲可能需要支付行人嘅清潔費用。

-----

而家你學到一啲喺日本開車嘅基本禮儀同潛規則。以上所提到嘅內容都只係冰山一角。但我敢打賭。只要知多一點點，下次當你開車自駕時，你會更加有自信！