你係咪好好奇，結婚後嘅日本人夫婦係屋企係過D咩飲食生活呢？係屋企，係做D咩嘅料理呢？以保溫瓶知名嘅「日本象印魔法瓶公司」以已婚男女為對象，做咗有關料理嘅調查（※），藉由呢份調查，嚟同大家介紹下日本夫婦係用餐嘅時候，同自己嘅國家比較下睇吓有D咩唔同嘅地方啦！
（※）關於夫婦嘅料理調查：「日本象印魔法瓶公司」以平常會自己煮飯嘅已婚男女作為調查對象。居住係首都圈同埋夫妻同住嘅人為對象。
72％嘅女性每日都會自己煮飯！38％嘅男性幾乎唔煮飯！
針對首都圈20歲以上嘅已婚男女8,694位（女性：3,301位、男性：5,393位）所進行嘅調查，女性每日會煮飯嘅有71.7％，有半數以上的人，每日都會係廚房做料理。另一方面，男性「幾乎唔太做料理」、「完全無做過」合計38.0％，相較之下比起女性低咗好多。係日本，「料理係女性負責做嘅嘢」咁嘅認知非常強烈。
擅長嘅料理，女性係「燉菜」、男性則係「咖哩飯」
訪問咗大家最擅長嘅料理，結果女性第一名係「燉菜」、第二名係「日式馬鈴薯燉肉」、第三名係「咖哩」。男性第一名則係「咖哩」、第二名係「炒菜」、第三名係「炒飯」。「燉菜」、「日式馬鈴薯燉肉」、「咖哩」無論邊道都係家庭料理會出現嘅菜色，時常出現係餐枱上。特別係燉菜或日式馬鈴薯燉肉，使用柴魚同昆布燉煮湯汁，每一個家庭都會有屬於自己嘅味道，被稱為「媽媽嘅味道」。亦都會係居酒屋睇到呢D菜單，訪日時嚟挑戰一下啦！另外，咖哩如果有咖哩醬嘅話，都可以即刻做出嚟。對料理唔擅長嘅男性嚟講，算係比較容易上手嘅料理。
唔擅長嘅料理，女性係「炸物」、男性則係「燉煮的料理」
唔擅長嘅料理，無論男女，大部分嘅人提出咗炸物、燉煮嘅料理，特別係女性，「炸物」比例係62.5％。唔擅長嘅理由係「炸物嘅處理時間比較長，炸咗之後嘅油係處理方面都比較麻煩」、「用買嘅比較快」等等。便利店或者係超級市場嘅熟食販售區，都會有販售天婦羅同炸雞塊等，因為購買方式方便，唔係屋企做用買嘅人都比較多。
睇完以上嘅介紹，你覺得點呢？歡迎你留低comment同我地分享下關於你係屋企料理嘅二三事啦！
Comments