日本各地有多項唔同種類嘅祭典盛事。
當您聽到日文中嘅「裸祭（Hadaka Matsuri）」（英語中則被稱為「裸男祭（Naked Man Festival）」）嘅時候，相信一定會大笑並心諗：「係真唔係呀？參加祭典嘅人真係會唔著衫㗎？」當然唔係啦！佢哋會著上一件日本傳統兜襠布（Fundoshi）遮住重要部位。但其實呢個祭典係喺冬季舉辦，您可以試想像一下－成個小鎮嘅男性喺嚴寒冬天、甚至接近零度嘅氣溫下只穿著一件兜襠布踴躍參加慶典，呢個場面真係瘋狂得令人難以置信！
但講返祭典本身嘅情況，事實上又會係點樣㗎呢？喺呢到先同大家賣個小小關子，我哋接落嚟就會同大家逐一介紹今次體驗嘅過程，以滿足大家嘅好奇心！
（註：日語中「裸押合」指參加者赤裸身體相互推擠之競賽）
裸押合大祭
當時舉辦裸押合大祭嘅時候，我只係一個大學生。由於我就本身住喺新潟縣南魚沼市內，因此我真係非常慶幸可以參加呢次祭典！呢項當地年度盛事至今已經舉行超過1,200年，雖然祭典起源於岡山地區，但其實日本各地都會喺唔同時節舉辦呢類型活動，而南魚沼市裸祭就會喺每年3月3日舉行。
南魚沼市距離東京2,289公里，遊客乘搭上越新幹線朱鷺號只需1.5小時就可以快速抵達。快速列車會於浦佐站停車，落車後出站步行5分鐘即可抵達祭典會場－普光寺與毘沙門堂。毘沙門堂係供奉戰神與財神毘沙門天嘅寺廟，會場會於裸押合大祭時開放予所有人入內參觀。唔單只係日本人，就連住喺浦佐區嘅外國人都會一齊共襄盛舉㗎！但祭典只限定男性主辦或參與裸押合大祭活動，女性只能夠當觀眾觀賞當地表演娛樂活動，又或者喺神社周邊美食攤位大開「食」戒！
有興趣參加活動嘅男士們，您都快快報名參加下一年裸押合大祭啦！
我參與咗成日祭典活動，遊行期間除咗見到一群著住傳統服裝嘅小朋友隊伍，仲有身穿禮服嘅神官同巫女們。
喺祭典開始之前，參加者必須飲大量日本酒暖身、避免受寒。而隨著典禮進行，工作人員就會開始分發日式傳統麻糬（mochi）畀裸男祭參加者以及觀眾。裸押合大祭參加者們必須獨自扛起30公斤重嘅巨型蠟燭行走於遊行隊伍之中。當參加者抵達主要會場毘沙門堂後，就必須先跳入一座小池塘中、用冰水淨化身體先能夠進入殿內。當活動正式開始之時，大廳內嘅參加者就會一邊互相推擁、一邊大聲喊叫，試圖衝向毘沙門天祭壇廟門前；同時企喺門前嘅守衛們就會負責判定邊一位參賽者有資格進入廟門，而呢一位被允許入內嘅參加者就會被公認為年度最幸運嘅人！！聽起嚟係咪好得意呢？有興趣參加活動嘅男士們，您都快快報名參加下一年裸押合大祭啦！
【相關資訊】
- 活動地點：浦佐普光寺境内毘沙門堂
- 地址：新潟縣南魚沼市浦佐2495番地
- 電話：025-777-3773
- 活動時間：9:00～23:00
- 活動費：免費參加
- 相關網站（僅有日語網頁）：https://www.niigata-kankou.or.jp/event/2042
Comments