日式酒吧—「居酒屋」，就係提供酒精飲品，同埋好食嘅送酒菜。喺新宿、澀谷或者池袋等大站嘅附近，唔難見到一啲大型連鎖嘅居酒屋，例如和民、北之家族之類，平日夜晚可以見到好多上班族收工之後流連，非常熱鬧。關東煮、炸薯餅、炸雞、薯條等，一般日式家庭常見嘅簡單樸素家常小菜，都可以喺呢度搵到。除咗菜式應有盡有之外，叫多幾道小菜，可以食唔同嘢比較亦係居酒屋嘅賣點之一。不過，日本居酒屋其實有幾項不明文規則同埋要注意點。今次就等FUN!JAPAN團隊為你介紹去居酒屋嘅三大「潛規矩」吧！
明明未叫野食，就已經上菜…?「前菜」制度
日本居酒屋，就算您未叫任何小菜，都會送上一盤稱為「Otoushi(お通し)」嘅開胃小菜。通常係炸豆腐、冷豆腐、毛豆等等，常見嘅開胃菜款式。對於初次體驗居酒屋文化嘅人嚟講，可能會覺得「我明明都未點菜！係咪送錯單？」會有類似嘅疑問。呢個開胃小菜係收費嘅，而可唔可以選擇唔要開胃小菜呢，就間間店舖規矩唔同。亦會有一啲屋酒屋，就算你唔要開胃茶，都要另外加座位費之類嘅做補償。喺埋單畀錢時，就會見到帳單上印住「開胃茶」嘅項目，通常以人頭計。而價格大概每位400～500円。
請按枱上嘅按鈴叫店員！
連鎖型居酒屋大多都會喺各個餐桌上設置按鈴，當您準備好要落單時，只要按下按鈕就乭以。咁就可以慳返客人要搵店員嘅時間，又唔使客人要舉手吸引店員注意力，或者諗辦法對上店員視線等不必要嘅麻煩。另外，連鎖居酒屋嘅餐牌，好多時都會有食物嘅目，咁就算唔識日文都可以按圖點野食。
「任飲」其實可以飲嘅野飲通常有限制！
日本連鎖居酒屋大多會提供「任飲」（飲み放題）嘅套餐。但係，就算揀咗任飲，都唔代表餐牌上嘅野飲都可以揀。通常任飲套餐係有限可以飲嘅野，例如燒酌、日本酒或者紅酒等比較高價位嘅酒精飲品，好多時都唔會包。落單前要確定吓可以飲乜野。而任飲嘅時間一般都有限制，大概喺2個鐘1500～2500円左右，喺夠鐘前10分鐘左右，店員通常會嚟提醒時間，順便幫你落單點last order。
Comments