日本對於主食・白飯嘅味道十分講究，要煮出好食嘅米飯，就必須要有良好嘅煮飯工具。正因為如此，象印公司對於開發電飯煲更係特別考究。其出品嘅最高級電飯煲「南部鐵器極致羽釜壓力IH電飯煲」以1450W大火力、配合1.5倍大氣壓嘅高壓環境下煮飯，能夠令煮好嘅白飯比一般電飯煲成品嚟得更柔軟又更具光澤。
集結最頂級技術製成之「南部鐵器」
若要介紹呢個電飯煲的話，就絕對不可不提以南部鐵器所製成嘅內裡。南部鐵器係自17世紀日本流傳至今嘅傳統鑄物技術，以1000℃高溫將融化鐵礦砂倒入模具中鑄型，再將成型鐵器與模具分離而成。以南部鐵器製法所製成嘅內釜唔單只擁有良好蓄熱性，亦因為質地適合利用IH導熱，因此可以令白飯熟成得更美味可口。
根據個人喜好，打造121種唔同口感嘅煮飯方式
若問十個人心目中何謂一碗好食白飯嘅口感，可能會得到十種唔同答案。有人偏好軟糯黏牙口感，亦有人鍾意結實唔黏牙嘅白飯。有見及此，象印就特別研發出專屬煮飯功能。您可以透過口感選擇煮法，對於今次煮飯結果進行評價，等到下次煮飯時，電飯煲就會依據評價結果調整口感。總共提供軟硬度、黏度等11階段予閣下選擇調整，方便您搵出專屬於自己最鍾意嘅煮飯方式。
只需按下開關，上蓋就會自動關上
由於呢個電飯煲喺煮飯過程中會施加高壓，因此上蓋比一般煲設計得重、使用時必須確保上蓋完整閉合。針對呢點，象印就引入輕鬆關閉開關功能。當您一手拎住飯匀一手捧住飯碗裝飯、無餘力關合上蓋時，只需按下開關，上蓋就會自動關上，省卻「噗」一聲用力關上上蓋嘅必要。
急速煮飯、煲仔飯等多種功能選擇
呢款電飯煲唔單只能夠煮白米，其他種類如糙米、什穀米、燕麥飯等各式各樣穀物都同樣對應。最方便嘅莫過於快速煮飯功能，僅需15分鐘就能夠享用熱騰騰嘅白飯，喺「唉呀，點解無晒白飯嘅！」等緊急時候非常方便。另外，使用大火力煮出帶有飯焦嘅白飯亦係呢款產品嘅獨特魅力，由南部鐵器讓生成嘅飯焦份外酥脆清香㗎！
產品簡介
品名：南部鐵器極致羽釜壓力IH電飯煲
價格：依各銷售平台而定
尺寸：長305mm ×寬400mm ×高245mm
煮飯容量：5.5合(約1.0公升)
煮飯時消耗電力：1450W
照片・文字：Takahiro Koyama
Comments