靜岡縣白絲瀑布係日本著名絕景瀑布之一？！

白絲瀑布係靜岡縣富士宮市嘅一個著名景點。從高20米、寬150米嘅峭壁傾瀉而下嘅流水瀑布彷如白色絹絲，因而得名。今次就為大家介紹白絲瀑布嘅歷史、特色景點同交通方式。

靜岡縣白絲瀑布嘅歷史

白絲瀑布位於鄰近富士山嘅富士宮市。白絲瀑布嘅水大部分係富士山嘅天然湧水。1935年，白絲瀑布被列為日本國家名勝同天然紀念物，更於1950年被獲選為「觀光百選瀑布」第一名，亦係日本國內最出名嘅瀑布之一。

白絲瀑布附近有兩個展望台。其中一個有啲距離，喺停車場出發，行過商店街再行幾級樓梯就到。另一個位於瀑布嘅右岸上方，從停車場出發沿建設完善嘅行人路行就到。如果想去瀑布潭，就需要行上100級左右嘅樓梯。建議著易行嘅鞋，而且去瀑布潭嘅路都唔方便嬰兒車或輪椅通行。

從JR富士宮站搭富士急靜岡巴士，約30分鐘車程就到白絲瀑布。

瀑布？！邊個唔鐘意瀑布？咁啱最近有機會去旅行，亦睇到我喺日本嘅第一個瀑布景點！

位於靜岡縣富士宮市嘅白絲瀑布，入選為「日本瀑布百選」，咁嘅宣傳效果甚至比賣廣告仲好呢！就算天氣有幾熱，但行埋瀑布就可以感受到涼爽嘅空氣同微風。喺度呼吸新鮮空氣，感覺壓力全消，人都精神哂呀！