福島縣 (Fukushima Prefecture) 為日本人口最少嘅地區之一。縣內坐擁大量豐富火山風景，因此不限於登山客與戶外愛好者，對唔少遊客嚟講，福島縣嘅自然風景一直都係吸引唔少人慕名而來嘅絕佳旅行目的地。不過，由於大多偏遠景點都欠缺大眾交通工具網絡、又或只得有限大眾交通工具連接，因此好多地方都需要遊客租車或搭的士先可抵達。
雖然2011年核子反應爐爆炸災難使得福島縣成為大眾焦點，不過現時福島大多數地方都已經可以安心遊覽。日本政府發佈嘅不安全地區一覽可以由此查看。
從東京到福島
乘搭東北新幹線（8,500日圓）、JR東北線或山形線。新幹線車程大約為2個小時。
JR Abukuma巴士（4,800日圓）每天有5班車從新宿站出發。另有從東京站與橫濱站出發嘅夜行巴士Dream福島（4,800日圓）。
旅遊景點：
磐梯山 (Mount Bandai)
磐梯山係一座休眠火山，亦係日本百大名山之一。1880年一次劇烈嘅火山爆發完全改變咗山西南側整個地貌，自此該地就被稱為裏磐梯。此地夏天時為大受歡迎嘅登山熱點、冬天則變身成滑雪勝地，秋天時亦適合遊客欣賞樹葉由亮綠色一舉變成黃色、橙色嘅震撼風景。
交通方式
到磐梯山與裏磐梯地區最方便嘅形式為從豬苗代站 (Inawashiro Station) 出發。不過由於無大眾交通工具接載遊客到山上，因此建議租車或搭的士前往，從豬苗代站出發大約需10,000日圓。
若從東京到豬苗代站，您可以乘搭JR東日本新幹線到郡山 (Koriyama)，再轉乘JR磐越西線到豬苗代站。
於福島市內住宿嘅旅客建議最好都係租車前往。
吾妻山 (Mount Azuma)
吾妻山係一座風景如畫嘅火山，火山口呈圓錐形。附近山脈嘅山峰周圍設有多條通往鎌沼嘅登山路徑。主要登山季為春天至秋天。
交通方式
主火山口位於停車場附近，所以租車到山上與鎌沼係最方便嘅交通途徑。
五月至九月每逢週末及國定假日、又或十月至十一月初每日有會兩班巴士由福島站開往淨土平 (Jododaira)，遊客中心就位於吾妻山附近。
三春滝櫻 (Miharu Takizakura)
三春町三春滝櫻被視為日本最壯觀櫻花樹之一。樹齡逾千年、高12米嘅櫻花樹每逢花季時都會吸引數十萬遊客慕名而來。最熱門賞櫻時間為四月中到四月底。
交通方式
花季高峰期會有巴士由三春站開往櫻花樹，票價1,000日圓；其他月份則較少大眾交通工具可以直接抵達，因此建議租車或搭的士前往。
從東京到三春站，您可以乘搭JR東日本新幹線（8,000日圓）到郡山站，再轉乘JR磐越西線（240日圓）到三春。
阿武隈洞 (Abukumado Cave)
阿武隈洞係一個位於磐城市附近、總長3公里嘅石灰岩洞穴。內裡部分景點如2米高、暱稱為「聖誕樹」嘅石筍獨特得不只日本、甚至係全世界都難得一見。遊客花大約1小時，就可以穿過總長600米嘅洞穴。
交通方式
從郡山 (Koriyama) 或磐城 (Iwaki) 乘搭JR磐越西線到神俣站 (Kanmata Station)，再搭20分鐘的士（2,000日圓）即可抵達洞穴。
大内宿 (Ouchijuku)
大内宿位處日本歷史中一條主要貿易路線上。呢條古老貿易村莊現時已重建成往昔江戶時期嘅樣貌，而喺部分未鋪築嘅主要街道上，您就仲可以見到將舊時風情完整還原嘅茅草屋頂建築與地下化電話線路，讓遊客可以喺小鎮內體驗最接近傳統嘅日本氣氛與風光。
交通方式
從東京車站乘搭會津線 (Aizu Line) 到湯野上溫泉站 (Yunokami Onsen Station)，再轉乘巴士或的士，10分鐘就能抵達大內宿。
住宿資訊
從福島市出發，一日就可以行遍以上景點，因此旅客大多選擇下榻於福島市。
● Richmond Hotel 福島站前 960-8053 福島縣福島市三河南町1-15
● 山水莊 (Sansuiso) 960-2157 福島縣福島市土湯温泉町字油畑55
● 安達屋 (Adachiya) 960-2261 福島縣福島市町庭坂高湯21
Comments