若有人問起日本嘅代表食物係乜，通常第一個浮現喺腦海入面嘅大概就係壽司。但對日本人嚟講，壽司係非常豪華嘅食物。雖然有相對平嘅壽司店，但一般嚟講，壽司嘅價位並唔低，亦解釋咗日本人往往喺家中有特別嘅場合先會享用壽司嘅原因。而迴轉壽司俾顧客以較低嘅價錢，滿足食壽司嘅願望，就算成日食都唔會太傷荷包。
何謂迴轉壽司？
迴轉壽司意指將做好嘅壽司放喺碟上，再擺放於設計好嘅輸送帶軌道上，顧客可自由拿取輸送帶上想食嘅壽司，最後計碟數收費。
根據盤子花色不同 價格也有所不同
喺迴轉壽司店，您可以自由咁由吧檯前方嘅輸送帶上拎取想食嘅壽司。有啲迴轉壽司店會依照壽司嘅食材、價位，以不同花色嘅碟子區分。有啲就一律相同價格，所以喺您行入迴轉壽司店之前最好先確認一下計價方式。除此之外，越來越多迴轉壽司店接受顧客直接向壽司師傅點單，order想食但無出現喺輸送帶上面嘅壽司。而咁樣亦提高咗一定嘅娛樂性，有店鋪會使用高速輸送帶將order嘅壽司直接送到顧客面前。亦有店舖會喺每個座位上安裝觸控平板，顧客可以直接用佢點餐。
從主餐到附餐 種類豐富讓您眼花撩亂
迴轉壽司中最常見倒嘅壽司種類大概就係金槍魚，雖然有外國遊客可能唔太習慣食生嘢，但我哋真係好希望您可以一試。唔需要擔心，壽司店嘅職員對於處理生食嘅技術已經好熟練，顧客可以安心咁品嚐生魚料理。
就算真係無辦法食魚生，迴轉壽司店仲有其他美食可以享受！因為佢地亦提供咗例如係粟米沙律壽司、金槍魚沙律壽司、煎蛋卷、仲有"河童卷"（青瓜壽司卷）。有啲店家甚至會喺輸送帶上擺放點心、水果或炸物，提供更多選擇！
又平！又好食！精選５大日本迴轉壽司
全國最多分店嘅迴轉壽司「スシロー」
截止2019年2月，スシロー(Sushiro)喺全日本總共有515間分店。スシロー(Sushiro)有80款以上壽司，仲有拉麵等其他菜式提供，有成超過120款嘢食揀，真係好豐富。餐牌分咗三個價格，有100円嘅「黃色定番碟」、150円（紅色碟）就有高級啲嘅饅魚同松葉蟹就、而300円（黒色碟）就有特上級數嘅大三文魚腩、海膽刺身等選擇。。
而除咗壽司之外，人氣嘅原因仲有「我鍾意呢到嘅拉麵！(你無睇錯，係去壽司店食拉麵)」、同埋「可以用智能電話預約」等等同壽司味道無關係嘅原因。
美國、台灣都有分店！以「100円有真材實料」為宗旨嘅くら壽司
くら寿司喺全日本有429間店舖，一間1977年創業嘅連鎖店。而佢其中一個賣點喺對食品安全嘅追求，所以完全無用「味精」、「人工甜咪添加」、「食用化學顏色」、「防腐劑」等化學成份。
餐牌統一大部份壽司都係一碟108円（包稅）。另外亦為咗唔食魚生嘅人，準備咗意粉、芝士漢堡等西餐嘅菜式選擇。
1973年創業嘅かっぱ壽司
喺迴轉壽司連鎖店入面嘅歷史老品牌。全日本有337間分店。
大部份壽司都喺一碟108円(包括)嘅統一價格。而且仲有麵類嘅選擇，包括「味噌拉麵」、「醬油拉麵」、「肉烏冬」、「蝦烏冬」等，都只係324円(包稅)。
仲要如果平日下午2點至5點，有60分鐘時間限定嘅「放題」，可以任食約80種唔同菜式，包括壽司同埋其他。價錢都只係男性1580円（未加稅）、女性1380円、小學生は780円。如果加多680円嘅話，就連酒都任飲。而65歲以上就980円，小學生以下就免費。
有機械人Pepper 君做侍應？！はま壽司
喺47個都道府縣都有分店嘅連鎖迴轉壽司舖。はま壽司（Hamasushi)都喺大部份壽司108円（包稅），但平日嘅話，一碟可以低至90円。平過哂其他迴轉壽司店。而且除咗壽司之外，仲有烏冬、蕎麥麵、甜品等。
佢仲引入咗Softbank嘅機械人Pepper君就侍應，負責登記同帶位。
喺海外好出名？元氣壽司
元氣壽司係由東日本起家嘅迴轉蠧司連鎖店。佢旗下有以統一100円廉價嘅迴轉壽司「魚べい」、同埋中等價格嘅迴轉壽司店「千両」同埋其他系列店。
元氣壽司同魚べい、同其他迴轉壽司店最大嘅分別係「唔迴轉」嘅壽司。因為佢係用觸碰式螢幕落單點菜，然後用迴轉帶將嘢食直接送到客人。唔會有多餘食物喺迴轉帶上轉嚟轉去。
集團喺1993年以「元気寿司」嘅舖頭名喺夏威夷開第一間海外分店，之後仲以特許經營嘅方式喺香港、新加坡、馬來西亞、印尼、泰國、中國等都有分店。
近年來迴轉壽司嘅品質同服務水準一年比一年提升，對於鍾意食美味壽司嘅日本人來講，迴轉壽司真係十分受歡迎！
我哋誠摯推薦，若您嚟日本旅遊，有機會一定要去迴轉壽司店一探究竟！
Comments