細味抹茶
清淡芳香的薄茶
日本人講起飲抹茶，通常講嘅都係薄茶：就係倒入水後用茶刷將抹茶粉打發成一層細泡沫。相比下文會提及嘅濃茶，薄茶用比較少抹茶粉，製作出清新、芳香口感。唔一定要參加正式嘅茶道先可以飲抹茶，其實可以輕鬆地享用。即刻係新手，都可以製作一杯好嘅薄茶，但前提係「抹茶粉同熱水嘅比例」同「水溫」要拿捏得好。我哋可以俾啲貼士你點樣可以輕鬆喺屋企都可以做到。
濃郁口感的濃茶
一般喺茶道或其他正式場合提供抹茶時，賓客們都會輪流使用一個茶碗參與，而享用嘅係濃茶。呢款茶係要使用大量抹茶少及少量熱水。成品厚實有質感，最大享受就係佢本身茶香味嘅濃郁精華。請汪意，因為其厚實嘅質感，濃茶最好使用醇厚嘅頂級抹茶，而唔好用有苦澀味道嘅品種。以下就介紹點樣可以安坐家中製作抹茶。
薄茶
1 首先用熱水倒入茶碗將佢座熱，將茶刷放入熱水中。之後倒掉熱水，抹掉茶碗。將1至1⅓湯匙抹茶粉放進碗中。
2 用量杯準備70ml滾水，並慢慢倒入放有抹茶粉的茶碗內。
3 用茶刷攪拌抹茶粉同熱水，令其均勻地混合。然後喺茶碗中央來回攪動，感覺好似要從底部攪起打成泡沫咁。
4 將茶刷輕輕地掃過茶表面，掃走大泡沫，令其變得更綿密。最後慢慢拿走茶刷，喺表面形成小丘。不打發成泡亦可。
濃茶
1 首先倒熱水入茶碗將佢座熱，並將茶刷放入熱水中。之後倒掉熱水，抹掉茶碗。將1¼ 湯匙抹茶粉放進碗中。
2 將滾水倒進量杯。首先將30ml熱水柔和地加入茶碗。因為熱水量很少，動作要快一點，如果唔係好易攤凍。
3 用茶刷攪拌抹茶粉同熱水，令其均勻地混合。將茶刷從碗底部稍微向上發。之後再加15至25ml熱水落茶刷底部，繼續攪拌。
4 當茶被攪拌成形後，輕輕往上拉及慢慢拿走茶刷。製成品將會係厚實挺身、有光澤、充滿濃郁茶味。
資料來源：KATEIGAHO INTERNATIONAL Japan EDITION Spring / Summer 2017 vol.39 "
特別鳴謝：Marukyu Koyama-en
照片提供：Sadaho Naito
文章製作：Sang Mi Kang 及 Aki Hirayama
食品準備：Kyoko Imai, Yuki Uenoyama 及 Yuko Koyama
造型設計：Yuko Magata
Comments