新幹線係日本最先進、最快，而且能大量運輸嘅鐵路系統。自問世至今，以舒適、安全及令人難以置信嘅速度，載過100多億名乘客抵達目的地。事實上，依家嘅新幹線喺日常路線上行駛時，時速可高達320公里。新幹線不僅係探索日本嘅有趣方法，亦令旅客有機會體驗人類最先進、最有效率嘅大眾運輸工具！
由新幹線車廂中睇倒嘅富士山景致
新幹線開發計劃嘅野心非常大，其中一個設想嘅目標，係令前來參加1964年日本奧運嘅各國民眾留下深刻印象。喺奧運開幕嘅前10日，新幹線於1964年10月1日通車。通車時間正好趕上奧運，似乎預告咗新幹線無人能敵嘅準時特性。不過，若無三木忠直（諗出時髦車體嘅飛行器設計師）及松平精這類傑出人才，一切都不可能成真。工程師松平精巧妙地解決高速列車穩定性嘅問題。喺新幹線問世之前，高速列車一直飽受蛇行運動（hunting motion）問題困擾，意思就係車輪喺鐵軌上橫向擺動嘅情況。松平精將空氣彈簧（用來控制垂直振盪）及螺旋彈簧（用來控制水平擺動）結合，解決咗蛇行運動嘅問題。呢項創舉及嚴謹嘅維護作業，令呢個劃時代嘅大眾交通工具得以問世，並供民眾使用至今。新幹線亦係有史以來最安全嘅交通工具，50年多年來從未造成任何旅客死亡。此外，新幹線嘅效能亦成為全世界大眾運輸嘅典範。
新幹線車廂中有如飛機座艙嘅裝潢
新幹線車廂內部及廣告
乘搭新幹線嘅經驗獨一無二，係無法喺世界上其他列車上體驗倒！首先，新幹線會準時抵達車站。新幹線每年平均嘅延遲時間，實際上只有短短嘅54秒而已。喺旅客座位上方及車廂連接處，都有充足嘅空間比旅客放行李，而且一般車廂都設有廁所及吸煙室。新幹線嘅部分路線會提供餐點，但建議喺車站或其他地方先買定食物，因為車上嘅選擇有限。選擇靠窗位置嘅旅客可以欣賞沿途美景，喺車廂內安靜嘅環境可以睇書或睇電影（需戴耳機）。乘客嘅禮節就係避免「迷惑」他人，騷擾他人之噪音及行為一律禁止。
從新幹線車廂入面望出去嘅景色
乘搭新幹線時，最重要嘅係密切留意抵達及出發嘅時間，因為呢個係新幹線有效率嘅關鍵。最好花些時間認識一下車站，並考慮尋找月台、尋求協助等所需時間。每個新幹線車站都設有專門辦公室，提供旅客車票，以及路線、時間等相關資訊。若符合資格，亦可事先訂購日本鐵路通票（Japan Rail pass）。鐵路通票分7天、14天及21天三種類，價格均有所不同。有時候購買鐵路通票會比單程車票划算，一切取決於個人嘅行程安排。另外，旅客亦應該考慮到會否利用其他交通工具，包括區間車、快速列車、巴士，甚至飛機。列車車票能夠單獨購買，但遊客拎住通票可以自由使用多種列車及巴士。
訪問日本時，記得好好享受擁有先進現代科技嘅新幹線，體驗佢帶嚟嘅舒適旅途吧！新幹線未來會有更多可能性，正如依家測試中嘅磁浮高速鐵路系統中央新幹線（リニア中央新幹線），將會為日本新幹線歷史翻開新一頁。中央新幹線目前最高時速高達500公里每小時，遊客可以喺山梨縣嘅測試中心一睹佢嘅風采。
*旅客可在www.japanrailpass.net/ 網站上搜尋購買日本鐵路通票的資格及價格
**日本鐵路通票不適用於希望號（Nozomi）及瑞穗號（Mizuho）。
Comments