群馬縣（Gunma Prefecture）
群馬縣係關東地區中擁有美麗田園風光嘅地方。縣內好多地方都坐擁著溫泉、巒山，令群馬縣成為遠離都市放鬆「叉電」嘅好去處！
前橋（Maebashi）
群馬縣首府位於前橋（Maebashi），遊客嚟到前橋一般主要都係為遊覽鄉間廣闊嘅公園與花園。如果您鍾意行山健行的話，群馬縣就絕對唔會令您失望！試問喺行完成日之後，仲有咩比享受群馬豐沛溫泉更「爽」嘅體驗呢？
如何前往群馬：
- 鐵道
前往群馬嘅最佳方式係乘搭電車（鐵道）。如果您從東京出發，可以乘搭前往新潟嘅上越新幹線（Joetsu Shinkansen），於群馬落車；如果係從長野縣出發，您可以乘搭長野新幹線（Nagano Shinkansen）至高崎（Takasaki）；如果您唔想乘搭新幹線，由新宿出發嘅湘南新宿線亦一樣可以抵達高崎，而且比較便宜，多種方式任君選擇！
如果您想遊覽群馬嘅東部地區，交通會稍微複雜少少，因為您必須到前橋轉乘JR兩毛線電車前往桐生（Kiryu）。您亦可以從淺草乘搭東武電車前往東群馬地區，再轉乘JR兩毛線，2,400日圓就可以帶您到太田（Ota）或新桐生（Shin-Kiryu）。同樣車費，您亦可以選擇乘搭伊勢崎線到伊勢崎（Isesaki）。
如果您想遊覽群馬嘅東部地區，交通會稍微複雜少少，因為您必須到前橋轉乘JR兩毛線電車前往桐生（Kiryu）。您亦可以從淺草乘搭東武電車前往東群馬地區，再轉乘JR兩毛線，2,400日圓就可以帶您到太田（Ota）或新桐生（Shin-Kiryu）。同樣車費，您亦可以選擇乘搭伊勢崎線到伊勢崎（Isesaki）。
- 自駕
群馬公共交通有限，因此成為日本自用私家車擁有率最高嘅地區。您會發現縣內有多處租車服務，如果您想要多到外圍地區等地區觀光，租車自駕會係最好選擇！
推薦景點：
尾瀨國立公園（Oze National Park）
尾瀨國立公園係日本最佳國家公園之一，非常適合行山健行。公園內有多座沼澤，其中最著名嘅為尾瀨沼（Ozenuma Pond）。理論上您可以由東京當日來回，不過如果想要逗留耐少少，公園附近都有出租小屋可供住宿。
草津溫泉（Kusatsu Onsen）
草津溫泉係日本最受歡迎嘅溫泉之一。呢到除咗有豐富泉源之外，據講泉質仲有療效。而且唔只有熱泉湧出，1,200米海拔高度亦令呢到成為冬季滑雪勝地呢！
富岡（Tomioka）
位於群馬縣東南地區嘅富岡以1872年建立嘅蠶絲工場而聞名。當地絲綢工業為日本紡織業帶來革命性發展，並且被認定為聯合國世界文化遺產。您可以於富岡內參觀工廠，了解近數世紀以來嘅絲綢製作過程，並購買絲綢服飾作為富岡紀念手信。
伊香保溫泉（Ikaho Onsen）
伊香保係群馬縣裡另一著名溫泉區，以富含鐵質褐色溫泉水聞名。除咗浸泡具備多種效用嘅溫泉以外，您不妨亦可花少少時間到處逛逛，到鎮裡穿越市街長達300米嘅樓梯，再下榻於日本傳統旅館。
購物及免稅：
川場田園廣場（Den en Plaza Kawaba）
川場田園廣場係日本著名「道之驛」（公路休息站）之一，適合遊客於館內購買當地特產。喺呢到您會搵到多款縣內長銷商品，如瓷器及食材，同時亦有釀酒廠與麵包店，以及用當地生產蕎麥製成嘅手打蕎麥麵。
月夜野玻璃公園（Tsukiyono Vidro Park）
既係公園，亦係玻璃工廠。月夜野玻璃公園以精細手工聞名全日本，您可以喺呢到參觀及體驗玻璃製造導覽行程，並參加吹玻璃課程，學習手作玻璃！
卯三郎人偶（Usaburo Kokeshi）
群馬縣有多間生產「卯三郎」木偶嘅店家，如果想要知道木偶係如何製成的話，咁您就要參觀卯三郎木偶工藝館！館內您將有機會學到工藝歷史，而且可以自己塗裝木偶作為紀念品。
建議到訪嘅季節：
大部分遊客都係為行山健行而到訪群馬。最適合時機係從九月到十一月氣溫較涼嘅時候，因為仲可以順便欣賞埋紅葉！群馬縣冬季雪量大，雖然有多間著名滑雪場，但部分地區會因為下雪過多而關閉。
如果想要到尾瀨國立公園健行，好多人會選擇於春夏期間到訪，順便欣賞滿開臭菘及荷花。
如果想要到尾瀨國立公園健行，好多人會選擇於春夏期間到訪，順便欣賞滿開臭菘及荷花。
Comments