位於日本長崎縣佐世保市嘅主題公園豪斯登堡，將於2023年7月7日（星期五）至9月10日（星期日）舉辦夏祭「光與運河的夏季節日」（光と運河のサマーフェスティバル）。每年皆獲好評如潮，讓人彷彿置身於歐洲風情街道上嘅室外花園泳池，今年亦會再次隆重登場。
喺「Night Pool」中觀賞燈光演出和壯觀的煙花表演
由「夜景觀光Convention Bureau」主辦嘅燈光演出選舉「燈飾獎項（Illumination Award）」中，豪斯登堡嘅燈光演出經已連續10年稱霸「綜合娛樂部門」！你甚至可以喺美麗嘅燈光照耀下享受夜間泳池嘅樂趣！試想像一下歐洲風情嘅街道和泳池水面上投映著浪漫燈飾光芒，再結合耀眼嘅煙花表演，正正係豪斯登堡嘅一大特色！而且喺夏天嘅煙花活動期間，仲會上演壯麗嘅煙花，並且不設參加人士嘅年齡限制以及無需預約，一家大細都可以盡享豪斯登堡嘅夏日風情。
- 實施地點：藝術花園（アートガーデン）
- 夜間泳池舉辦日期：7月15日（週六）～16日（週日）、7月21日（週五）～9月10日（週日）
- 夏日晚間煙花舉辦日期：8月5日（週六）・8月11日（週五，假日）至16日（週三）・8月19日（週六）・26日（週六），總共限定9日
喺「花園泳池」中盡情享受充滿清涼感的度假樂趣
每年廣受歡迎嘅巨型滑水梯，全長70米、高10米，讓你瞬間從頂部滑到底，到終點時仲會水花四濺，超級爽快又刺激！另外，仲有一個直徑有成50米嘅超大泳池，可以喺度暢玩超可愛嘅浮水圈，仲會見到水炮高高噴射於夏日藍天中，令人玩得更興奮！
另外，亦設有非常適合小朋們齊玩樂嘅地方，例如設於陰涼處嘅嬰兒池和兒童滑水道等，擁有多個可與小朋友暢玩嘅好地方。無論係一大家細，定係親朋好友，大朋友定係小朋友，都可以盡享當中樂趣！
喺「花園泳池」中盡享充滿清涼感嘅度假樂趣
泳池旁邊，時尚奢華嘅「香檳酒吧～藝術花園咖啡廳&酒吧～」首次亮相。可以喺度品嚐得到各式各樣嘅香檳，亦有提供無酒精飲品。不妨到此一遊，與親朋好友同享猶如置身於歐洲風情嘅街道上，一邊飲酒乾返幾杯，再一邊飽覽此地專屬嘅壯麗景色，度過一段可忘卻日常煩囂兼畢生難忘嘅好時光吧。
- 實施地點：藝術花園輕咖啡廳和酒吧
景點資訊
- 名稱：豪斯登堡
- 地址：長崎縣佐世保市豪斯登堡町1-1
- 交通方式：從博多站乘坐特急列車「豪斯登堡」，約需1小時45分鐘
Comments