北海道經典手信「白色戀人」所使用嘅朱古力經過精心調整其配方後，現已化身成全新商品——朱古力板！並可於北海道嘅手信舖購買得到喔。
以「白色戀人」為設計靈感的全新商品朱古力板「Chocolate Tablet」
呢款朱古力板採用「白色戀人」包裝紙作為設計靈感，並加入可愛嘅北海道動物元素，外表非常吸睛。無論係買嚟做北海道旅行手信，抑或送畀親朋好友當小禮物都非常推薦。當中，白朱古力板塊嘅包裝上繪畫上棕熊，黑朱古力板塊嘅包裝上則繪有蝦夷栗鼠等代表著北海道嘅動物圖案。
「白色戀人」所使用嘅朱古力，係專為白色戀人特別調製而成嘅原創朱古力。特別調整其甜度和順滑度，確保能完美配搭外層嘅「Langue de chat」餅乾。而全新嘅朱古力板商品更經過精心調整，讓人可品嚐得到朱古力嘅純粹好味道，絕對會讓人愛不釋口。
製作白朱古力板時，透過增加朱古力嘅攪拌時間，讓其口感比夾喺白色戀人裡面嘅朱古力更加順滑！而黑朱古力板嘅朱古力則透過調整攪拌時嘅溫度，呈現結實又香醇嘅口感。
呢款口感順滑嘅朱古力板，係以「白色戀人」嘅朱古力為設計靈感所打造而成。下個北海道之旅，不妨買嚟試一試喔。
朱古力板「Chocolate Tablet」商品概要
- 商品名稱：Chocolate Tablet（白色戀人白朱古力）、Chocolate Tablet（白色戀人黑朱古力）
- 價格：各324日圓（含稅）
- 銷售店：白色戀人公園 店舖「皮卡迪利商店（Piccadilly）」、「ISHIYA札幌大通本店」、石屋製菓（ISHIYA）各分店（大丸札幌店、「ESTA」大食品街、札幌東急百貨店、丸井今井札幌本店、「Ario札幌」）、北海道機場販賣店/手信店
Comments