©和久井健・講談社／動畫《東京復仇者》製作委員會
為咗拯救心愛嘅人免於「死亡的命運」，有一位年青人開始奔走......呢套熱血又椎心嘅動畫，現正席捲全日本。
而作品標題正正係《東京復仇者》，改編自2017年至2022年於雜誌《周刊少年 Magazine》連載、總銷量超過7000萬本嘅人氣漫畫《東京卍復仇者》。繼2021年電視動畫開播後，仲翻拍埋真人電影和舞台劇等，引起多個媒體亦被捲入其熱潮中嘅社會現象。從2023年1月開始，續集《聖夜決戰篇》亦經已播出，除咗日本之外，海外亦有愈嚟愈多熱愛呢套作品嘅粉絲。
今次要為所有愛好者帶嚟好消息！電視動畫《東京復仇者》與FUN!JAPAN聯手合作，推出淨係得FUN!JAPAN SELECTSHOP先至買得到嘅原創「特別組合BOX」！
關於電視動畫《東京復仇者》
處於人生低谷，打散工過活嘅廢柴男主角花垣武道，某日得知喺中學時代曾經拍過拖、人生中唯一一位女朋友橘日向被窮兇極惡嘅惡勢力團體「東京卍會」殺害。知道呢件事之後嘅第二日，企喺車站月台上嘅武道被某人推落鐵路軌，明明已經做好死亡嘅覺悟，當擘大對眼嘅時候，卻發現自己唔知點解穿越去12年前人生最巔峰嘅初中時期。為咗拯救戀人、為咗改變一直逃避嘅自己，花垣武道開始一場人生嘅大復仇！
呢套作品描繪嘅係人與人之間嘅「羈絆」，一次又一次嘗試通過重啟過去，而改變未來嘅「武道」，有時候硬係會做出一啲不顧後果嘅行動。例如挑戰絕對無可能戰勝嘅對手，即使被壓倒性嘅力量擊倒亦從不放棄。正正係武道呢種即使傷痕累累仍絕不放棄嘅生存方式，逐漸改變周遭人心，亦因此結下一段段羈絆。
而今次嘅電視動畫《東京復仇者》和FUN!JAPAN亦決定結下羈絆！合作推出一系列獨家原創嘅合作商品，且只對會員們作限定發售喔！
與電視動畫《東京復仇者》獨家合作原創商品登場！
今次喺FUN!JAPAN SELECTSHOP販售嘅係，為咗今次合作企劃而特別製作嘅限定商品「特別組合BOX」。特別訂製嘅包裝盒中，放有兩個玻璃杯、兩枝果汁、兩個豆皿細碟，另外仲有一張特別嘅心意卡，內容非常豪華。每件商品不單止喺製作上都非常講究，亦充滿《東京復仇者》嘅色彩。另外，玻璃杯有「佐野萬次郎×龍宮寺堅」、「花垣武道×橘日向」、「場地圭介×松野千冬」和「三谷隆×柴八戒」四種唔同設計，每種商品都係以角色嘅插圖和主題顏色去表現，如果你係有「我推」角色嘅原作粉絲，咁以上商品就一定係你嘅必入手商品！
《東京復仇者》合作商品為日本製造，品質絕佳！
今次嘅獨家合作組合BOX裡所有商品，全部都係日本製造嘅高品質商品！
可欣賞四季變化的變色雙人圖案對杯組
首先要介紹會變色嘅「日本四季玻璃杯對杯組」。今次參與製作嘅「丸MO高木陶器株式會社」係位於岐阜縣多治見、自1887年創業嘅陶器老店，保留日本陶瓷「美濃燒」傳統嘅同時，亦積極生產多款創新嘅器皿。
玻璃杯上印有《東京復仇者》嘅登場角色，設計充滿魅力。我哋將作品裡相關聯，且有強烈羈絆嘅兩位主角配埋一齊，例如「佐野萬次郎×龍宮寺堅」嘅玻璃杯上，畫有萬次郎和堅兩人嘅插畫；「花垣武道×橘日向」呢一組則係武道和日向嘅配對。另外，仲可以從玻璃杯上感受日本高超技術嘅巧思！將飲品倒入玻璃杯裡面，隨著溫度變化，背景嘅樹木和煙花等都會染上迷人色彩，手拎玻璃杯，即可享受四季美景變化。值得一提嘅係，場地圭介嘅圖案係今次專門為玻璃杯重新繪製，粉絲們萬勿錯過，務必入手喔！
特製果汁飲品代表著唔同角色嘅形象
以下落嚟會介紹由長野縣淺間農園生產嘅「日本產高級果汁」，每個組合BOX內將會放入兩枝。
「淺間農園」係使用長野縣產水果去生產果汁、果醬等商品嘅農園，過去曾為法國頂級品牌嘅VIP客戶活動提供商品，美味絕對有保證。果汁中使用嘅水果，靈感嚟自每位角色嘅主題顏色。例如武道嘅「淡綠色」係麝香提子，而日向嘅「白色」就以蘋果去表現，每種形象都非常相符，令角色浮現眼前。
喺果汁嘅標籤和包裝盒上都印有每位角色嘅插畫，望見主角們各自身穿暴走族特攻服裝，絕對會令人相當興奮。手拎玻璃杯，享受彷彿與喜愛角色人物乾杯嘅感覺，令杯入面嘅飲品亦變得份外好味道。
可與玻璃杯一同欣賞使用嘅豆皿細碟
最後介紹嘅係組合BOX中所包含2個「丸MO高木陶器」製嘅豆皿細碟。每個主題嘅組合BOX裡，都有兩個唔同角色嘅豆皿細碟，非常適合與同一套嘅玻璃杯一同使用。
呢套風靡全球嘅電視動畫《東京復仇者》係日本引以為豪嘅娛樂作品，只要入手呢套限定合作商品，肯定可以更投入和享受作品嘅世界觀！
■商品詳情：特別組合BOX （共4款）
■特別組合BOX內容
- 兩隻玻璃杯、高級果汁2枝、2個豆皿細碟、特別訂製包裝盒、心意卡
- 販售方式：網路販售／預訂製作
- 價格：25,000日圓（含運費）
〈玻璃杯規格〉
- 材質：玻璃
- 尺寸：口徑約φ62mm×H103mm（中心部分φ80㎜）
- 容量：325cc
〈果汁規格〉
- 瓶子材質：玻璃
- 容量：720ml
- 高度：約30cm
〈豆皿小碟規格〉
- 材質：瓷器
- 尺寸：90mm×H6mm
https://fun-japan-select.com/zh/collections/tokyo-revengers
©和久井健・講談社／動畫《東京復仇者》製作委員會
Comments