當東京、神奈川等關東地區嘅櫻花開始散落，東北地區卻開始踏入櫻花盛放之時。換言之，如果你錯過咗關東地區嘅櫻花都唔緊要，可以前往東北地區賞櫻喔！再者，盛開嘅櫻花美景，搭配上惟有東北先至欣賞到嘅景色作背景，更顯當中意義。即使你喺其他地區賞過櫻，亦值得特地到東北一遊，感受當地櫻花之美。今次小編會為你介紹FUN!JAPAN嚴選10個東北地區嘅賞櫻名勝，下次不妨去東北跟著櫻花前線賞櫻吧！
1. 青森縣 十和田市官廳街通
長達1.1公里嘅街道上，有著由松樹與櫻花樹所交織而成嘅絕美景色，更被選定為「日本街道100選」之一。更有趣嘅係，十和田市與馬嘅產地甚有關聯，街上有唔少關於馬嘅藝術作品、造景。另外，於晚上嘅燈光照耀下，亦可以欣賞到與白天櫻花不同嘅美感。市役所新館5樓嘅展望大廳，亦係一個相當值得推薦嘅賞櫻景點。
景點資訊
- 賞櫻時期：4月尾～5月頭
- 交通方式：從JR七戶十和田站乘搭十和田觀光電鐵巴士約35分鐘，到「官廳街通」巴士站落車後徒步約1分鐘
- 地址：Map
2. 青森縣 弘前公園
弘前城所在嘅弘前公園被指定為國家重要文化財。喺呢一片廣闊嘅土地上，有染井吉野、枝垂櫻等50種、約2600棵櫻花樹種植於此。呢個時期會舉辦「弘前櫻花祭」，會見到唔少攤販，可以盡情享受日本祭典嘅氣氛。當中，花瓣散落並漂浮於護城河水面上嘅「花筏」美景，亦係必睇景色之一。另外，亮燈後嘅夜櫻與城堡交織出如詩似畫嘅夢幻景致，亦令人目不暇給。
景點資訊
- 賞櫻時期：4月尾～5月頭
- 交通方式：從JR弘前站乘搭巴士到「市役所前公園入口」巴士站約15分鐘，落車後徒步約3分鐘
- 地址：Map
3.秋田縣 南秋田郡大潟村「櫻花與油菜花之路」
沿著縣道298號線長約11公里嘅道路上種植了約3700棵染井吉野櫻、山櫻、八重櫻等櫻花樹，與盛開嘅油菜花交織而成為「櫻花與油菜花之路」。遇上櫻花綻放嘅好時機與好天氣嘅話，可以欣賞到粉嫩色嘅櫻花及金黃色嘅油菜花同框景致，兩者鮮豔強烈嘅對比之下，景色更為壯觀美麗。呢個沿著筆直嘅道路延伸，彷如永無止境嘅壯觀景色，係一個打卡效果極佳嘅好地點。記得趁機影多幾張靚相喔。
景點資訊
- 賞櫻時期：4月尾～5月頭
- 交通方式：從JR八郎潟站乘搭「南秋地區廣域My Town Bus」巴士約15分鐘，到「大潟富士」巴士站落車後徒步約3分鐘
- 地址：Map
4. 秋田縣 角館武家屋敷
被稱為陸奧小京都，保留著江戶時代風情嘅角館武家屋敷通，種植了約400棵垂枝櫻，其中162棵更被指定為國家天然紀念物。武家屋敷嘅黑色圍牆上與鮮豔粉色枝垂櫻相輝映嘅景致，感覺就如穿越時空一樣，很不可思議。夜晚仲會亮燈，營造出非常適合呢個地方嘅莊嚴夜櫻氛圍。櫻花盛開時，仲會舉辦「角館櫻花祭」。
景點資訊
- 賞櫻時期：4月尾～5月頭
- 交通方式：從JR角館站徒步20分鐘
- 地址：Map
5. 秋田縣 千秋公園
於秋田藩嘅居城舊址上建造嘅「千秋公園」被選為「日本櫻花名勝100選」之一。喺呢一片廣闊嘅土地上，種植了樹齡約120年嘅染井吉野櫻、八重櫻、江戶彼岸櫻、大村櫻等約700棵櫻花。呢個櫻花盛開時期，會舉辦「千秋公園櫻花祭」，亦會有唔少攤販出現，充斥著濃濃嘅日本祭典氣氛。晚上亦會亮燈，營造出有別於白天嘅氛圍。另外，與復原後嘅久保田城相輝嘅美麗姿態，亦不可錯過。
景點資訊
- 賞櫻時期：4月中～4月尾
- 交通方式：從JR秋田站徒步10分鐘
- 地址：Map
6. 岩手縣 五郎沼
據聞以前有位名為五郎季衡嘅武將經常喺度游水，所以得名「五郎沼」。湖邊種植著櫻花樹，春天可以一邊眺望盛開嘅櫻花一邊漫步。喺風和日麗嘅好天氣裡，絢麗嘅櫻花倒映於水面上嘅美景如夢似幻，彷似與地上櫻花爭豔鬥麗一樣，極為壯觀。另外，仲可以見到水鳥暢泳於櫻花水面上，為此情此景增添多幾分美意。
景點資訊
- 賞櫻時期：4月尾～5月頭
- 交通方式：從JR日詰站徒步約11～12分鐘
- 地址：Map
7. 山形縣 鶴岡公園
「鶴岡公園」坐落於鶴岡城嘅舊址，種植了染井吉野櫻、八重櫻等約730棵櫻花，被選為「日本櫻花名所100選」之一。洋溢著一股歷史氣息嘅景觀，搭配上櫻花盛開嘅日本風情，甚為美麗。喺櫻花祭上，可以一邊眺望亮燈下嘅夜櫻景致，一邊品嚐屋台美食，令你可以喺滿足味蕾嘅同時，仲愉悅埋雙眼！晚上喺紙罩蠟燈嘅映襯下，令現場嘅祭典氣氛更為高漲。
景點資訊
- 賞櫻時期：4月中～4月尾
- 交通方式：從JR鶴岡乘搭「往湯野濱溫泉方向」巴士約10分鐘，到「市役所前」巴士站落車後徒步約2分鐘
- 地址：Map
8. 山形縣 倉津川
天童溫泉附近嘅倉津川兩岸，枝垂櫻花樹延綿約1.4公里，河面上更倒映著枝垂櫻花樹嘅身影。晚上，更有約750米長嘅燈光點綴，其美景充滿著濃濃嘅日本風情。另外，每年都會舉辦祭典活動「枝垂櫻之夜」（2022年取消），可以欣賞得到源自於日本古時嘅婚禮儀式「Mukasari行列」（むかさり行列）等，既傳統又優雅嘅活動。倉津川附近嘅中央公園裡亦會有屋台小攤檔，可以趁機品嚐得到當地美食。
景點資訊
- 賞櫻時期：4月中～5月頭
- 交通方式：從JR天童站徒步約10分鐘
- 地址：Map
9. 宮城縣 白石川河川岸上嘅公園
有著全長約8公里、沿著白石川嘅綿延櫻花樹林蔭大道「白石川堤一目千本櫻」亦係「日本櫻花名所100選」之一。河岸上除咗到處都係櫻花絕景景點，仲有公園可以畀大家當作休憩空間。當中，白石川公園會喺春天舉辦「大河原櫻花祭」（2022年取消）。賞櫻方法亦有好幾種，除咗可以品嚐「花見便當」、乘搭「花見屋形船」於白石川上遊覽賞櫻、甚至可欣賞埋燈光投射嘅熣燦夜櫻，將倒映於湖面上夢幻嘅櫻花樹影盡收眼簾。
景點資訊
- 賞櫻時期：4月頭～4月中
- 交通方式：從JR船岡站徒步約3分鐘
- 地址：Map
10. 福島縣 日中線枝垂櫻林蔭大道
於1984年廢止，全長約3公里嘅鐵路「舊日中線」嘅舊址上有約1000棵枝垂櫻於春天盛開。路上仲有展示著蒸汽火車，黑色車身與枝垂櫻嘅淡粉紅色成鮮明對比，相當吸晴。櫻花時期會舉辦「喜多方櫻花祭」。當中，可以欣賞得到亮燈下嘅粉紅色枝垂櫻隧道，與蒸汽火車同框嘅夢幻景象。
景點資訊
- 賞櫻時期：4月中～4月尾
- 交通方式：從JR磐越西線喜多方站徒步約5分鐘
- 地址：Map
Comments