大家對廣島嘅印象，可能並唔包括滑雪呢樣活動，但其實廣島有成10間滑雪場，係位居「日本滑雪場數目排行榜」第12名(※1)嘅滑雪縣喔。
廣島滑雪場嘅魅力在於擁有雪山美景&溫泉嘅完美組合。再加上廣島市、宮島、尾道等旅遊景點，就可以一次過滿足晒遊客想同時享受冬季運動，與經典旅遊景點嘅願望喔！
※1：引用自2020年12月日本滑雪運動＆度假村協議會嘅調查數據。
※文章內所提及嘅金額每年都會有所調整。最新資訊請參考各滑雪場官方網站。
廣島氣候
位於日本中國地方南部，面向瀨戶內海嘅廣島縣，與日本其它縣市一樣，唔單止四季分明，仲會有颱風與梅雨季。以最寒冷嘅1月為例，2021年與2022年嘅平均氣溫都只有5度左右（※2），最低氣溫係零度以下。廣島嘅滑雪季多數喺12月至隔年3月，積雪最深係1月份。廿日市市、北廣島町等地被列入「豪雪地帶」山區，甚至會出現1m以上嘅積雪。
※2：本數據引用自日本氣象廳公布嘅廣島縣2021年與2022年每月平均氣溫。
廣島滑雪季
廣島嘅滑雪季比較短，約莫為12月下旬至3月上旬，但會隨區域而有所不同。大部分嘅滑雪場都位於廣島北邊，部分滑雪場為增加雪量會使用人工造雪機。亦有部分滑雪場會於滑雪季時，提供從JR廣島站出發嘅滑雪接駁專車，可以喺出發前向各滑雪場查詢相關詳情。跟住落嚟小編將會介紹廣島最迷人嘅滑雪景點，只要跟著小編腳步，保證大家嘅滑雪之旅可以滿載而歸！
廣島滑雪場推介
廣島縣嘅「豪雪地帶」周邊一共有10間滑雪場，其數量更位居日本中國地區、四國地區、九州地區嘅首位喔。全因北部地區嘅大雪，先至令廣島成為西日本數一數二嘅滑雪勝地。每間滑雪場都設有多條路線，從新手初學者到高手玩家都可以樂在其中。另外，仲可以體驗雪橇、雪地行走等多項有趣活動，仲有專為一家大細同遊嘅客人，所設計嘅娛樂設施，以及新手滑雪教室等。
貓山滑雪度假村
位於貓山北邊斜坡上嘅「貓山滑雪度假村」，獨特嘅金字塔造型滑雪中心可謂最廣為人知。從海拔700米至1020米共有5條雪道，包括最大傾斜度為39度、雪滑總長900米嘅高級路線，與最大傾斜度為27度、雪道總長1200米嘅中高級路線。因為滑雪場係使用人工造雪機，唔單止令遊客可以享受得到滑行於細緻粉雪上嘅樂趣，亦設有小朋友最鍾意嘅戲雪廣場以及新手滑雪教室。
價格：
- 1日券：大人4,600日圓、中小學生2,700日圓、學齡前小童800日圓、50～60歲3,900日圓、60歲以上2,800日圓。
- 親子一日券（1位大人+1位小朋友）6,000日圓，專為小朋友設計嘅戲雪廣場門票為800日圓（費用另付）。
景點資訊
- 景點名稱：貓山滑雪度假村
- 地址：廣島縣庄原市西城町三坂5190-50
- 交通方式：
- 從廣島或岡山駕駛出發約2小時
- 乘搭JR藝備線至JR備後落合站落車之後，轉搭的士約15分鐘
- 開放時間：12月下旬～3月中旬（會視當年度氣候狀況而有所調整）
恐羅漢雪上樂園
恐羅漢雪上樂園位於廣島縣最高峰・恐羅漢山（1346米，可乘搭滑雪場吊椅前往）嘅東邊斜坡上，其最大魅力莫過於可以遠眺日本海，係一間可以享受遨遊粉雪樂趣嘅滑雪場。園內4個滑雪場地都設有多條雪道（依程度分高級、中級、初級）。恐羅漢裡最具特色嘅稗田滑雪場雪道，最大傾斜度為38度、平均傾斜度19度嘅顛簸斜面長達1000米。除咗單板、雙板滑雪板教學課程外，仲有專為初學者、以及一家大細度身訂造嘅區域。呢個區域嘅最大樂趣就係可以盡情玩雪，甚至可以坐住雪橇暢遊滑雪場喔。
價格：
- 1日券：大人5,000日圓（六、日、公眾假期為5,500日圓）、4歲~高中生2,000日幣（全日）、60歲以上4,000日圓（六、日、公眾假期為4500日圓）。
- 5小時券：大人4,500日圓（六、日、公眾假期為5,000日圓）、小童1,500日幣、60歲以上3,500日圓（六、日、公眾假期為4,000日圓）。
- 附吊椅纜車券嘅套裝行程（1日券+租借單板或雙板滑雪板）平日7,000日圓、假日8,500日圓。若想加租雪衣等裝備，平日優惠價為9,500日圓。
※此為2022年9月價格
景點資訊
- 景點名稱：恐羅漢雪上樂園
- 地址：廣島縣山線郡安藝太田町橫川740-1
- 交通方式：從廣島市區駕駛出發約1小時40分鐘
- 開放時間：（2022-2023滑雪季）2022年12月下旬～2023年3月下旬（預計）
- 營業時間：08:00-17:00
- 吊椅纜車券：現場購買 07:00～
※全新引進IC卡自動感測閘門系統
女鹿平溫泉 MEGAHIRA滑雪場
位於海拔約1082米女鹿平山嘅MEGAHIRA滑雪場，係一間與溫泉酒店相鄰，具備多條雪道嘅人氣滑雪場。最大亮點包括可以從山頂一路滑至山腳，長達2300米嘅「中央滑雪道」，以及最大傾斜度為30度嘅滑降路線，共有五條主要滑雪道任君挑選。除此之外，當然亦有專為滑雪新手、小朋友設計嘅家庭滑雪場與雪橇專用滑雪場。
另外，亦有開設獲得SAJ認證嘅單板、雙板滑雪板教室，無論係幼稚園小朋友抑或係大人，MEGAHIRA滑雪場都可以提供最專業嘅滑雪課程。
價格：
- 9小時券：大人5,900日圓、小學生以下4,300日圓（全日）、平日下午券（13:00～17:00）3,000日圓 （皆含門票500日圓）
※12/29～1/3無法使用平日下午券 - 單板、雙板滑雪板1日租借套裝行程（雙板＋滑雪鞋＋滑雪杖或單板＋滑雪鞋）大人4,200日圓。
- 滑雪衣（上下套裝）4,200日圓，若加上滑雪設備（雙板＋滑雪鞋＋滑雪杖或是單板＋滑雪鞋）為7,300日圓。若連續租借兩日，可享折扣優惠。
景點資訊
- 景點名稱：女鹿平溫泉 MEGAHIRA滑雪場
- 地址：廣島縣廿日市市吉和4301
- 交通方式：
- 從廣島市區駕駛出發經高速公路約50分鐘
- 從JR山陽本線宮內串戶站乘搭廣電巴士至佐伯文化中心巴士站約40分鐘，再從佐伯文化中心轉搭櫻花巴士約40分鐘即可抵達
- 從廣島車站乘搭滑雪周遊巴士約105分鐘（僅限滑雪季，定期運行）
- 開放時間： 12月16日～隔年3月中旬（會視當年度氣候狀況而有所調整）
Comments