每當對自己失去信心、對人生感到不安、遭遇難解問題而卡關時，人類總係不自覺想要依賴占卜，尋求一個解決之道。相信各位讀者嘅人生中，都曾經試過占卜吧？
大家對占卜嘅印象，通常都會聯想起占卜師，但最近澀谷就舉行咗一個嶄新前衛嘅占卜體驗型藝術展「NAKED URANAI」。展覽出自日本創意公司NAKED, INC.最新力作，於2021年7月17日(六)～8月27日(五)期間限定登場。與一般占卜截然不同，展覽運用AI(人工智能)等先進科技，打造出一個無占卜師坐鎮嘅占卜藝術展！今次，FUN! JAPAN編輯部就要帶大家嚟體驗一下呢個前所未有嘅占卜藝術展，並順便占卜一下，睇吓究竟AI大師準唔準！？
「NAKED URANAI」誠邀AI大師LUCY 為您指點迷津！
一聽到占卜，畀人嘅印象就係占卜師喺您面前，為懷抱忐忑不安心情嘅迷途羔羊占卜運勢。但係今次占卜藝術展嘅最特別之處，就係全無占卜師坐鎮，而係居然請來名叫「LUCY」嘅AI大師，依據您出生年月日等資訊，為您預知未來運勢！
「AI占卜？準嗎？」小編不禁心中充滿疑惑，一問現場工作人員之下，先知道展覽占卜原來大有來頭！不單請嚟日本人氣占卜師真木Akari老師以及占卜、心理學相關領域一眾專家監修展覽內容，可謂相當貨真價實呢！
馬上出發 體驗前所未聞嘅占卜啦！
首先，體驗展覽之前必須事先上官網，網上填寫自己出生年月日等個人資訊。展覽會場內，入場人士會需要使用自己嘅智能手機，先能夠體驗展覽占卜內容。為因應現今防疫措施，入口處仲設有一部非常特別嘅消毒藝術裝置「NAKED 洗手水盆™️」，將手伸入去後就會噴灑出消毒酒精，仲會喺掌心投射出一朵色彩繽紛嘅花，相當夢幻。
先沉澱身心靈 回歸乾淨無瑕自我
一進入展場，會先嚟到「萬花水母(KALEIDO JELLYFISH)」區域。工作人員會請您安坐於座位上，靜靜欣賞眼前夢幻水母影像、沈澱心靈、靜心淨身。頓時會感到心情平靜，彷彿尋回最乾淨無瑕嘅自我。
然後，再移動至「清淨森林(CLEAN JUNGLE)」區域。喺一片植物包圍之下，宛如踏入熱帶雨林。走過通道，仲會噴灑尤加利、茶樹等調配香氛精油，可望達到抗菌、抗病毒效果。喺一片令人放鬆嘅香氣環繞之下，小編都覺得自己全身都被淨化一番！
馬上切入正題！進入占卜區域！
西洋占星術「HOROSCOPE」
西洋占星術空間內，打造出360度12星座世界，宛如踏入異空間，身處群星包圍夜空中。只要企喺自己嘅星座前面，眼前就會投影出自己容貌，顯示各自所屬星座分析運勢。
塔羅牌「TAROT」
走入塔羅牌的空間內，場內即時飄散著一股香氛蠟燭香味，營造出塔羅牌充滿神秘且迷人嘅世界。只要挑選一張塔羅牌，枱面就會顯示一段訊息，話您知您現時最需要嘅事或物。
除此之外，仲有聖三角占卜(三張牌陣)，只要連上事先填寫好個人資訊嘅官方網站，再打開個人頁面、掃描QR碼，於愛情、健康、工作三種運勢中，挑選您想知道嘅運勢，螢幕就會顯示該運勢嘅過去、現在與未來嘅牌，為您解惑。
夢境解析「DREAMIN’ LUCY」
小編下一站再嚟到解析夢境嘅空間，映入眼簾嘅係一部又一部詭異嘅裝置。原來呢部分會為您解析最近發生嘅夢境，話您知潛在含義！大家記得最近嘅夢境嗎？可惜小編根本唔記得最近發過咩夢(笑)。
數秘術「NUMEROLOGY THERAPY」
最後小編嚟到「數秘術」空間，喺呢到您可以用自己出生年月日計算出自己嘅生命靈數，透過數字進行占卜。「生命靈數」據聞係每個人最基本嘅數字，能引導並開創個人人生與命運。另外，同場仲有一個實驗室區域，能夠配搭您嘅守護神、專屬顏色，與花香精油調配出適合自己嘅花香精油喔。
順帶一提，小編生命靈數係「11」。據工作人員所講，11、22、33都係屬於稀有數字呢。（沾沾自喜中）
將整個展場行一次大約需要1小時。貼心嘅係，「NAKED URANAI」占卜藝術展所占卜嘅內容幾乎都會保存喺手機裡面，方便您隨時拎出嚟翻睇。就算對占卜、塔羅完全無興趣，應該都會覺得係一段非常特別嘅占卜體驗！唔單只可以享受整個會場打造嘅藝術風格，仲可以體驗AI等最新科技呢！由於無占卜師在場，反而令人能夠放輕鬆地體驗占卜，就連一開始懷疑AI大師係咪準確嘅小編，經過實際占卜了一輪之後，都覺得結果超準呢！
遺憾今次展覽展出內容僅提供日文，希望今後會新增各國語言啦～
Comments