【日本和歌山】關西溫泉天堂「和歌山溫泉」 放鬆與療癒身心靈好去處

Time to Relax: Wakayama’s Onsen

溫泉係日本文化之一,日本各地都有獨特魅力嘅溫泉。喺和歌山縣除咗遍佈各式各樣嘅溫泉之外,仲有非常多秘境溫泉,從海邊洞窟到深山野嶺都應有盡有,日本三大歷史悠久溫泉之一嘅白濱溫泉亦係位於和歌山縣。去到和歌山,可以用各種獨特方式,好好享受溫泉樂趣。無論您係身處紀伊山脈深處,抑或係白濱海邊,都可以浸個靚溫泉,好好享受放鬆及療癒嘅好時光。

南紀勝浦溫泉:飽覽浪濤洶湧嘅震撼海景

Nanki Katsuura Onsen: Onsen by the Sea

南紀勝浦溫泉靠近那智大社同那智瀑布,係溫泉愛好者基本上都認識嘅人氣景點!為避免同關東地區另一座勝浦溫泉混淆,和歌山嘅勝浦溫泉稱為南紀勝浦溫泉。當遊客經過長途跋涉、翻山越嶺,去完一趟神聖嘅熊野三山朝聖之旅,南紀勝浦溫泉就係舒緩疲勞、放鬆身心最理想嘅地方。勝浦小鎮裡面有唔少免費足湯,街上嘅酒店、旅館亦提供住客之外嘅容人只浸溫泉嘅服務。

南紀勝浦溫泉有一個非常值得推薦嘅溫泉,坐落喺浪濤洶湧海岸旁方嘅洞窟裡面,浸過一次肯定會令人永生難忘!想體驗呢座咁特別嘅露天溫泉,必須要喺勝浦港搭船登島,露天溫泉就喺島上浦島酒店裡面,除咗提供畀住客使用,亦可讓其他客人單獨使用溫泉服務。

南紀勝浦溫泉嘅代表泉質係硫磺泉,所以會有一陣熟悉嘅臭雞蛋味,有促進血液循環、改善膚況等功效。

景點資訊

  • 名稱:南紀勝浦溫泉
  • 地址:和歌山縣東牟婁郡那智勝浦町
  • 交通方式:從新大阪搭JR特急黑潮號至勝浦,車程約4小時,車費約6,000日圓。從新宮搭當地公車,僅短短20分鐘,車費240日圓
  • 費用:300~1,000日圓不等,依設施而定

白濱溫泉:日本最古老溫泉之一

Shirahama Onsen: Japan’s Oldest Onsen
照片提供:和歌山觀光協會

白濱最具知名度嘅地方,除咗有一大片雪白沙灘,仲有日本三大最古老溫泉—白濱溫泉。喺7、8世紀文獻資料當中,記載白濱溫泉功效。另外,白濱溫泉靠近大海,成為現今非常受歡迎嘅浸溫泉體驗。白濱町有成6座公共浴池,喺「白濱銀座足湯橫丁」裡面亦有唔少免費足湯。當中最出名嘅露天浴池就係「崎之湯」露天溫泉浴池,號稱日本最古老浴池,歷史可追溯至幾千年前。「崎之湯」就喺海岸旁,猶如一座天然無邊際嘅浴池,入場費用500日圓,營業時間係早上8點至下午5點(夏季營業時間會延長),星期三休息。如果怕醜唔敢赤裸浸溫泉嘅話,仲可以選擇必須穿著泳衣去浸嘅白濱白砂露天浴池,可以容納100人。

景點資訊

  • 名稱:白濱溫泉
  • 地址:和歌山県西牟婁郡白浜町
  • 交通方式:從和歌山縣搭電車,車程約1小時;從大阪搭JR特急黑潮號約2小時20分鐘

龍神溫泉:俯瞰河川景緻

龍神溫泉位於日高川旁,潺潺流水與綠蔭包圍之下,算得上係日本風景最優美嘅溫泉之一!與世隔絕嘅環境,令人徹底忘卻日常生活煩囂,可以專心地欣賞大自然創造嘅一景一物。有關龍神溫泉嘅開湯一說,據聞係真言宗嘅弘法大師夢到龍神,帶領弘法大師尋找到溫泉嘅源頭。另外,龍神溫泉嘅泉質富含碳酸氫鈉,有美肌作用,名列「日本三大美人湯」之一。

景點資訊

  • 名稱:龍神溫泉
  • 地址:和歌山縣田邊市龍神村龍神
  • 交通方式:從田邊出發,往高野山嘅公車喺4月至11月呢段期間會停靠龍神。

湯之峰溫泉:唯一可以浸得到嘅世界遺產溫泉

Yunomine Onsen: The Only UNESCO Onsen

湯之峰溫泉位於紀伊山脈深處,係熊野古道朝聖路線上,一個相當熱門嘅景點,亦係世界上唯一被聯合國教科文組織(UNESCO)列為世界遺產嘅溫泉。呢個係一個擁有1800年歷史嘅古老溫泉勝地,懷舊嘅木造建築與瓦片屋頂令人感受到濃厚嘅日式古風,喺山林環繞之下更別有一番秘境深山氛圍,一踏入湯之峰溫泉街道就會感受到濃濃嘅時空穿越感。

除咗有大眾浴池之外,仲有一座位處小木屋裡面嘅小小壺湯,並流傳著一個傳奇故事。據說有位叫做小栗嘅判官被人謀害,喺閻羅王同情之下,重返人間尋求復生,當小栗判官浸完呢度嘅小壺湯之後,真係獲得重生死而復生。另外,喺等浸溫泉嘅同時,仲可以利用附近嘅溫泉水煮雞蛋。據聞壺湯顏色一日最多變換七次,非常不可思議。喺溪邊浸溫泉絕對係相當難得嘅體驗。

湯之峰溫泉嘅泉質含有硫磺嘅碳酸氫鈉泉,對神經痛、風濕痛、皮膚病等等有療癒功效。

景點資訊

  • 名稱:湯之峰溫泉
  • 地址:和歌山縣田邊市本宮町湯之峰
  • 交通方式:從新宮站搭往湯之峰溫泉嘅巴士,車程約1小時;從JR紀伊田邊搭往本宮大社嘅巴士,中途喺湯之峰落車
  • 壺湯費用:成人750日圓,時間限制30分鐘

目錄

Survey[問卷調查] 關於日本旅遊







Recommend