壽司、拉麵、燒肉，以上種種都係大家去日本旅行時必食嘅日本美食吧！國土狹長嘅日本，從北到南共有47道都府縣，每個地區都有充滿當地特色嘅個性料理。今次要同大家介紹嘅《日本庶民美食：Nippon所藏日語嚴選講座》，有別於一般旅遊美食介紹書，唔追捧當紅店舖，而係精選各縣最具地區性、大部分遊日遊客仲相對陌生嘅美食，並解說食材與料理煮法特徵。以下先同大家分享書中介紹嘅兩段內容，有興趣想繼續睇落去嘅人，除咗可以參加送禮活動試試手氣之外，亦可以直接click入去文章最後嘅購買連結㗎～
得獎名單公布
恭喜下面兩位得獎者，可以獲得《日本庶民美食：Nippon所藏日語嚴選講座》一本
- Junnie
- TAMA
請於2月24日(三)前將您嘅收件資料(姓名、收件地址、電話)E-MAIL至編輯部電郵地址：[email protected]
※提供地址不明確或無法取得聯繫等等相關原因，導致主辦單位於中獎後無法順利與得獎者聯繫，其得獎資格將判定為無效。
大阪府「粉物文化」原來係咁嚟？！
大阪人自古就與麵粉有緣，素有「天下廚房」之譽，容易取得優質昆布，水質屬於「軟水」，因此能夠輕易做出優質柴魚高湯。加上鄰近讚岐(香川縣)著名小麥產地，原料充足，烏冬順理成章贏得大阪人青睞，「粉物（以小麥粉製成嘅輕食、料理）」文化順勢植根於大阪飲食文化中。
明治時代開始，日本人喺飲食上瘋狂追求西式口味。牛鍋，炸豬排因價格昂貴，自然未能夠成為庶民百姓嘅日常飲食對象。為求變通，好多大阪人以熟悉嘅麵粉做成薄燒餅皮，配搭切絲蔬菜做出心目中嘅「洋食（西式料理）」。呢種明治時代被稱為「一錢洋食」嘅廉價美食，滿足咗唔少庶民百姓對洋食嘅美好憧憬，並由昭和時期起逐漸發展成現時嘅「お好み焼き（大阪燒）」。
「お好み焼き（大阪燒）」嘅出現，說明日本人唔再盲目地追求西洋味，而係將洋風食物「本地化」。「お好み焼き（大阪燒）」亦標誌著自古就發達嘅粉物文化發展至最高峰，喺無數次B級美食票選活動當中，「お好み焼き」幾乎都名列前茅。不過，「お好み焼き（大阪燒）」其實一開始係以高價料理嘅姿態登場，戰後日本變得富庶，大阪燒先至化身庶民美食咋！
「お好み焼き（大阪燒）」中有個「好」字。一般認為「お好み」係個人偏好嘅意思，鍾意放咩食材就放咩。不過有個說法十分有趣，指早年男女約會係喺類似冰室甜內舖嘅地方，男方請客若只叫甜品冰品會令女方觀感不佳，所以菜單中就出現類似大阪燒嘅洋食燒物。男女約會卿卿我我，為客人服務嘅店員宛如「電燈膽」，所以情侶表示會自己放自己鍾意嘅食材，以自己喜好方式製作，咁就唔使麻煩店員。久而久之，呢道料理，就被俗稱為「お好み焼き」喇！
FUN! JAPAN延伸閱讀：更多有關大阪相關文章
富山縣黑拉麵—黑色湯底嘅秘密
被稱為「富山ブラック」嘅富山黑拉麵，係富山縣富山市代表美食。顧名思義，漆黑湯底係富山黑拉麵一大特色，單係視覺嘅衝擊，就非常引人矚目！黑拉麵係喺1955年左右，由富山市拉麵店「大喜」所創。店主為咗令食慾旺盛嘅年輕人與幹粗活嘅工人們有合適「菜餚」配搭自行攜帶嘅米飯，於是將自家拉麵湯底刻意做得更鹹，既適合送飯，又可補充體力消耗後嘅鹽分。呢款前所未有嘅滋味好快就成為話題，之後吸引多家麵店「跟風」，就逐漸普及起來。
至於點解湯底會係黑色嘅呢？或者好多朋友會以為係咪用咗花枝墨囊或竹炭？其實黑色湯底係來自經過熬煮濃縮嘅黑醬油，因此味道會偏鹹。幸好湯底係以雞骨及魚貝類熬製而成，食起嚟先不至於死鹹。黑拉麵使用嘅麵條較粗較硬，且帶有嚼勁，至於配料，則除咗常見嘅筍干、滷蛋、海苔、大量嘅蔥，仲有煮得非常入味嘅叉燒！叉燒恰到好處嘅油脂融化於湯中，食起嚟更香醇順口，加上胡椒，的確會為味蕾帶嚟唔少衝擊！
要駕馭黑拉麵，食法要啱，否則滋味會大大扣分。第一係要將叉燒、筍干、蔥等配料充分地與湯底攪拌，令配料均勻沾上湯汁，入口口味先會一致。第二就係最好配飯食，如此一來鹹度就會啱啱好。最後記得唔好飲太多湯，甚至可以唔飲，因為偏鹹，飲完可能要瘋狂𠺘口呢（笑）。
隨著北陸新幹線開通，從東京等首都圈到富山只需要2個多小時，非常方便就可以一嚐地道滋味。另外，遊客亦可以喺當地買得到黑拉麵嘅碗裝杯麵與冷藏袋裝麵，非常適合買返屋企同親朋好友分享～
FUN! JAPAN延伸閱讀：更多有關富山相關文章
《日本庶民美食：Nippon所藏日語嚴選講座》特色
越後蕎麥麵，竟然添加咗紡織業用嘅黏著劑？島根埋飯，點解一定要將材料藏喺碗底？岩手核桃丸子湯，點解會將核桃包進麵皮裏煮湯？簡單一道料理，原來道盡日本市井小民嘅「唔簡單」！
剖析日本三大美饌聖地食文化，瞭解歷史淵源！
針對日本網路票選出美食最具魅力嘅前三名：大阪府、北海道、長崎縣，帶您瞭解以上地區喺飲食文化上嘅歷史發展、食物特色，介紹當地不容錯過嘅行家美味、與職人對於自家產品嘅堅持。
47道都府縣自豪美味，深入認識日本風土物產與生活樣貌！
臭得媲美臭豆腐嘅滋賀鲋壽司、湯底黑不見底嘅富山黑拉麵、粉紅甜滋滋嘅伊勢崎文字燒……種種充滿個性嘅鄉土料理或B級美食中，都一一透露出當地人習性。《日本庶民美食：Nippon所藏日語嚴選講座》一書，精選各縣最具地域性、對香港・台灣人而言相對陌生嘅一道美食，解說食材與料理煮法特徵，並介紹料理源起及地道吃法。用眼睛享受美食嘅同時，同時更深入認識日本各地風土物產與生活樣貌。
FUN! JAPAN延伸閱讀：日本47都道府縣特輯
日本歷史專業團隊 ╳ 日語專業團隊，打造日語中高級閱讀力！
融入N3～N1字彙及句型，藉由閱讀故事、聆聽音檔，培養中高級文章理解力、奠定日語表現根基。能讓您邊學日文也邊瞭解日本有關「食」嘅文化！
前往購買《日本庶民美食：Nippon所藏日語嚴選講座》：https://www.books.com.tw/products/0010876173
讀者有禮活動參加辦法
活動期間
2021年1月24日（日）～2021年2月14日（日）日本時間23:59截止
參加條件
成為FUN! JAPAN 網站會員，並於本文章留言，話畀小編聽您最鍾意嘅日本鄉土料理或B級美食等，留低您品嚐過後嘅感想
獎品
《日本庶民美食：Nippon所藏日語嚴選講座》1本，將送出2本
得獎者公布
2021年2月下旬左右於本文章內公布得獎名單
注意事項
活動參加辦法
- 參加者須完成活動參加條件所有所需項目。
- 本活動每人僅限參加1次。
- 本活動得獎者人數最多為2人。
- 本活動參加者必須是居住於香港境內之居民，並且年齡必須為18歲以上。
- 本活動參加者必須為FUN! JAPAN網站會員。
活動規約與條款
- 本活動參加者必須同意透過電郵回信提供姓名、地址、電話號碼等個人資訊，用於得獎聯絡以及獎品寄送之目的使用。
- 若對本活動有任何不明白地方，歡迎來信或留言詢問。相關諮詢請來信至客服信箱：[email protected]
- 與此活動相關者、工作人員包含其親屬將不能被選為得獎者。
- 活動獎品及內容遵守相關法律條款之規定。
- 本活動受日本法律法規管轄。
- 活動預計於2021年2月14日（日本時間）23:59截止。
Comments