人 vs 機械人嘅運動比賽？！最後會鹿死誰手呢？

以「機械人與人類連繫的友善社會」為主題，為期四日嘅2019 國際機械人展，喺12月18日至21日喺東京Big Sight國際展示場舉行。現場展出咗好多對人類日常生活同工作有幫助嘅機械人，當中居然仲有識做體育運動嘅機械人！等FUN! JAPAN小編嚟同機械人大戰一番～！比賽打乒乓球同籃球啦！

擅長打乒乓嘅巨大蜘蛛！

這部係OMRON嘅第五代乒乓球機械人「FORPHEUS」。個機械人識得感測同理解呢個要配合咁多複雜動作嘅運動，會蒐集數據，同做出最適當嘅判斷，仲會預測埋下次嘅動作，而導入嘅核心技術能，可以瞬間做哂以上所講嘅功能，採取最佳嘅行動。同呢位新朋友一來一回猜波時，自己嘅球技似乎亦都有進步！

遊戲中心好常見嘅籃球機遊戲，喺限時內投進最多球嘅人就贏。今次喺三菱電機嘅攤位同機械人嚟一場籃球對決，睇吓邊個高分啲！玩得好開心。

另外，會場仲展示咗搖距操作，配合人類嘅動作編編起舞嘅優秀機器人，真係睇見就會心微笑，睇幾多次都唔會厭！

喺人工智慧不斷咁發展同普及使用之下，或者喺可見嘅將來，機械人會成為我地重要嘅夥伴之一，成為我地生活嘅一部份。。

今次FUN! JAPAN小編喺「運動場」上幸運咁打敗咗機械人，但隨住機械人嘅持續進化，恐怕將來人類會難以匹敵！你有自信可以戰勝機械人嗎？