大手食品品牌卡樂B(Calbee)由2017年起，就推出愛日本企劃(♥JPN)，開發出日本47都道府縣當地獨有地道口味嘅薯片，2018年度開始，更喺網路募集意見再進化，由本地人協助下決定味道同製作包裝。2019年度更分3次推出♥JPN商品，第1彈、第2彈都都已開賣，第3彈嘅16道縣商品，就啱啱喺2月17日(一)限量上市，等你可以一邊食薯片，一邊了解日本各地特閊。不如一齊嚟睇吓第3彈商品有咩特色味道吧！
北海道
鮭魚乾口味
「鮭魚乾」喺秋鮭切半，連皮切成細長狀，用海水清洗、吹海風曬乾，可以話係北海道嘅代表珍味。
新潟・青森・宮城
新潟：笹糰子味
｢笹糰子｣喺呢度自古以嚟嘅端午節食品，笹葉因為味道較濃又有殺菌效果，同艾草功效相同。而家就變成新潟著名手信特產。
青森：烤大蒜味
青森除咗出產蘋果、鮪魚之外，大蒜嘅產量亦係日本第一。喺青森縣田子町會舉辦「田子大蒜祭典」，喺當地，冬天會將大蒜烤嚟食，或者加到火鍋入面。
宮城：仙台牛排味配芥末醬
仙台牛係日本首屈一指嘅品牌牛，特徵喺肉質軟嫩、香氣濃厚又有豐富肉汁。
千葉・神奈川‧茨城
千葉：丸大豆醬油味
龜甲萬喺1990年推出嘅「特選 丸大豆醬油」，係喺千葉縣釀造，至今仍相當受歡迎，人氣持續高居。
神奈川：新擔擔麵味
「新擔擔麵」係神奈川縣川崎市有名嘅拉麵店，慢火熬煮出嘅雞骨同豬骨鹽味高湯，加上免治肉、大蒜、蛋花同麵拌埋，最後再撒上辣椒，廣受大家喜愛，可算得上川崎市民嘅靈魂食物。
茨城：奶油烤番薯味
茨城縣嘅番薯種植面積同產量係日本第二多。熱騰騰嘅烤番薯塗上牛油，真係人間美味！
岐阜・石川
岐阜：五平餅風味
｢五平餅｣係嚟自中部地區山上嘅鄉土料理。將米壓成扁形，捏成橢圓形狀，再用竹籤串起，由以前開始就係當地令人熟悉嘅鄉土料理。
石川：能登ISHIRU魚醬味
魚醬主要原料係用魚類或其他海鮮、鹽所製成嘅液體調味料。日本三大魚醬汁一「ISHIRU(いしる)」，係能登半島嘅名產，係好多傳統嘅鄉土料理中都會用到。
大分・熊本
大分：中津炸雞味
大分県中津市係著名嘅「炸雞聖地」。將雞肉用大蒜、生薑等醬汁醃製入味，裹上薄薄嘅麵衣再落鍋油炸，酥脆又多汁嘅口感係中津炸雞嘅特徵，主要分成醬汁口味同鹽味2種。
熊本：黃芥末蓮藕味
「黃芥末蓮藕」係熊本鄉土料理，原本係為咗體弱多病嘅肥後藩藩主・細川忠利，而製作嘅滋補養生料理。塞黃芥末喺蓮藕洞入面，沾上麵衣後落鍋炸，最大特徵就係嗆辣日式黃芥末嘅味道會直衝上腦。
奈良・兵庫
奈良：雜煮沾黃豆粉味
喺白味噌湯入面加芋頭、白蘿蔔、紅蘿蔔、豆腐同麻糬，再將麻糬由湯入面夾出嚟，沾上黃豆粉，呢個係奈良雜煮嘅特色。
兵庫：玉筋魚釘煮味
｢玉筋魚釘煮｣係將新鮮嘅玉筋稚魚用醬油、砂糖、生薑熬煮，係兵庫縣淡路島、播磨地區、阪神地區嘅瀨戶內海東部沿岸嘅知名鄉土料理。
鳥取・徳島・香川
鳥取：白玫瑰咖啡味
「白玫瑰咖啡」係用咗70%生乳所製成嘅牛奶飲品。特徵在於無添加任何香料，只係用牛奶同咖啡就調出高雅甜味，飲完之後嘅味道亦都好清爽。
徳島：鯛魚高湯飄香鳴門海鹽味
德島嘅鳴門海峽，有世界著名嘅3大漩渦之一 鳴門漩渦。因為海水清澈，有高濃度鹽分，由400年前左右就開始製鹽。
香川：橄欖油與鹽味
香川縣嘅橄欖產量，佔日本全國9成以上，製成嘅橄欖油更喺國際場合上獲獎無數。可以話係香川縣嘅代表。
今次介紹嘅薯片可以喺限定發售地區嘅大型超市同便利店搵到，如果有機會見到嘅話，一定要試吓！
Comments