東京METRO推廣東京各地魅力嘅「Find my Tokyo.」系列廣告，起用石原聰美做代言人。呢個廣告系列嘅全新宣傳影片「錦系町_看到世界與日本更加緊密連繫的街道」篇，已經喺1月7日（二）早上10點喺特設網站（www.findmy.tokyo）公開咗 ，1月8日（三）起大家就可以喺東京METRO車站入面同埋列車廣告螢幕見到石原聰美可愛迷人嘅身影。
影片注目焦點
新一年就跟住石原聰美嘅腳步，嚟個更加地道風味嘅東京之旅吧。今次佢搭半藏門線嚟到錦糸町。錦糸町畀人嘅印象相當平民大眾，非常熱鬧，石原聰美同特別嘉賓竹內海南江一齊行錦系町。兩人喺埃及國民小食加上桔醋醬、喺水果上雕上和風圖案、仲揀咗一雙北歐設計嘅布製草鞋，睇見世界各國嘅文化同日本文化混合，發現世界同日本其實相當緊密連繫一齊。
同石原聰美一齊挑戰吧「你也來挑戰！Find my Tokyo.」
特設網站上可欣賞片長60秒嘅宣傳影片，當中仲有好多精彩畫面係電視廣告版30秒篇同15秒篇無嘅，想要睇到更多女神石原聰美嘅可愛身影，就快啲去特設網站欣賞。除此之外，網站內仲介紹咗超過600處充滿東京魅力嘅景點，等大家一齊嚟探索東京。仲有有石原聰美參加體驗各種挑戰嘅影片，1月、3月推出錦糸町篇同押上篇，2月係東京馬拉松篇。睇下石原聰美到底體驗咗邊啲記錄挑戰，做埋筆記，咁下次去日本旅行就可以跟女神腳步一齊去踩點，令您嘅東京之旅發掘出更多魅力同樂趣。
Comments