東京Metro用石原聰美做代言人，宣傳東京唔同地方嘅魅力。今次官方最新嘅網上廣告「荻窪 創造許多名曲的街道」，就輪到介紹荻窪，將會係7月至9月陸續公開介紹丸之內線荻窪站、方南町站同東高圓寺站嘅廣告。除了網上廣告之外，由7月1日起喺東京Metro站內同車廂入面都能會遇見石原嘅廣告同海報啊！
可能有人第一次聽「荻窪」呢個地方。但其實有啲人可能已經對呢個地區好熟好有感情。呢度曾經係古典音樂之街，據說古典音樂文化曾經係計劃由荻窪發揚至全日本。不過，呢度至今仍然係一處創造好多名曲嘅街道。一齊嚟跟石原聰美行下，睇下會去邊啲景點？
元祖「荻窪拉麵」 春木家本店
講到元祖「荻窪拉麵」，就會諗到「春木家本店」。係1931年創業嘅蕎麥麵店，用左蕎麥醬汁相同製法研發出醬油湯底，呢個就係「荻窪拉麵」嘅由來。店入面除左有拉麵之外，亦都有蕎麥麵同埋烏冬。為左要品嚐呢間舖頭而嚟到荻潌嘅石原，仲係到撞到演員光石研，異口同聲咁話「好食！」
名曲喫茶mignon
係光石研推薦下，石原去左「名曲喫茶mignon」，咖啡店入面有懷舊嘅裝修，加上每樣擺設同裝飾都睇得出時代久遠，真係好似回到過去，別有一番風情。而呢間名曲喫茶仲竟然收藏左超過5000張嘅黑膠唱片！最特別嘅係，客人可以點歌，要求想聽邊首歌，就會當場播俾你聽，係好有懷舊復古風嘅喫茶店。大家估下，石原聰美揀左乜野歌？
另外，演唱廣告主題曲嘅「Little Glee Monste」都有係廣告入面客串登場啊！
大田黑公園
最後兩人嚟到日本音樂評論家大田黑元雄屋企嘅遺址所在地「大田黑公園」，園內有住歐日混合風嘅建築，呢度亦好出名睇紅葉。廣告最後，石原聰美同光石研喺石階上同時放鬆伸懶腰，親身體驗「創造許多名曲街道」荻窪嘅魅力！
下次有機會嚟東京，不妨跟住石原聰美嘅腳步來趟「Find my Tokyo」之旅吧！
Comments