各位FUN! JAPAN讀者您好！唔知大家係咪都已經成功註冊咗我哋之前介紹過嘅d POINT呢？以遊日旅客為主要對象嘅海外版d POINT CARD，係一張完全唔需要註冊費、年費嘅點數卡嚟㗎！而且現時只要成功註冊做會員，就可以即刻享用各種優惠贈品。仲未註冊又或者仲未去拎實體卡嘅您，今日FUN! JAPAN編輯部就會為您詳細介紹並體驗d POINT CARD嘅實際領取方法以及使用方法。睇完呢篇文章之後，包保您下次日本旅行可以慳得更多！
過程只需３分鐘！先了解嚟日本前您要辦嘅註冊手續啦！
有人可能會覺得「要註冊做會員？好煩啫…」請放心！整個註冊會員過程十分簡單。您只需要由註冊頁面認證電郵地址，再輸入您嘅姓名、出生年月日、居住國家等就大功告成！下次嚟到日本之後，再去機場等地嘅docomo world counter領取d POINT CARD，並綁定您嘅帳號就OK㗎喇！。
※註冊頁面URL位於本文最下方，記住睇到最後喇♪
踏足日本後，第一時間記得衝去docomo world counter領取您嘅d POINT CARD。認住大大隻紅色「NTT DOCOMO」字樣就啱喇！
只向問職員索取d POINT CARD，您就會拎到如圖呢張寫有d POINT CARD註冊步驟以及會員特典等詳細說明嘅小冊子。
您睇，卡片上印有極度可愛嘅POiNCO BROTHERS呀！註冊時所須嘅d POINT CARD Number同安全碼印喺點數卡背面，事不宜遲，即刻到會員頁面追加點數卡號碼啦！
話咁快就註冊成功！
與此同時，記得再去埋小冊子上印有嘅活動頁面（掃瞄QR碼），領取額外300點數喎！
您可以從會員頁面上瀏覽各種會員特典資訊又或可以累積或使用d POINT嘅加盟店家等資訊，亦可以搵到免費Wi-Fi特典以及各加盟店提供嘅優惠coupon㗎。
如果您係d POINT CLUB會員，仲可以即場領取埋限定POiNCO BROTHERS精品一份！「POiNCO BROTHERS精品」咁得意，係咪好啱旅途中打卡影相用呢？
抵達日本後想輕輕鬆鬆即刻擺低行李出發觀光的話，小編們建議您可以先將行李寄到酒店。於機場內設有分店嘅JAL ABC以及QL Liner貼心地為d POINT CLUB會員提供運費85折優惠，除此之外，您亦可以立即啟動特典之一嘅1日免費Wi-Fi「docomo Wi-Fi」，於全國公路休息站收集旅遊觀光情報㗎。
喺東急Hands盡情爆買賺取大量ｄ POINT！仲可以免稅𠻹！
相信大家都對出售豐富生活雜貨嘅超人氣都市型大型雑貨店東急Hands唔會陌生。唔知您又係唔係品牌嘅粉絲呢？原來東急Hands都係d POINT加盟店之一嚟㗎喎！由化妝品、日用品、旅行用品至家電・手機精品…店內擺滿林林種種遊日旅客至愛嘅產品。下次購物時，您只要於喺畀錢嘅時候出示d POINT CARD，每買滿100yen（不含稅）您就可以獲得1點數，換句話講購物滿10,000yen（不含稅）的話，您就可以獲得100點數！更重要嘅係，店內亦有提供免稅服務，非常適合大家送禮自用，買手信買得更抵！
※以下採訪時店內陳列及販售商品。實際情況因到訪時期而異。
放眼全場，全部都係日本時下最hit嘅人氣產品！遊日時就算行幾多次都唔厭呀！
發現歌舞伎面膜！各位貪靚嘅男女士見到咁多化妝品仲唔失心瘋？
東急Hands亦內亦有出售大量文具款式。選擇困難症立即發作！
遊日旅客至愛產品之一—行李喼！東急Hands有齊各款既實用又有靚設計嘅優質產品㗎。
睇啱心頭好後係時候畀錢！畀錢時記住向職員出示d POINT CARD儲ｄ POINT喎！（※點數按不含稅售價而定）
最後，當然要做埋免稅手續啦。又可以免稅又可以儲點數，超滿足呀！
儲落嘅ｄ POINT可以換免費換雪糕！？ COLD STONE CREAMERY甜品時間啟動！
血拼血到咁上下，係時候都要抖一抖。呢個時候一杯甜品雪糕就最適合為疲勞身軀補充糖分！d POINT加盟店之一嘅COLD STONE CREAMERY係一家喺東京都、千葉縣或兵庫縣等各地都有分店嘅連鎖雪糕店。雪糕口味由芝士蛋糕、薄荷、士多啤梨等經典款式，到季節限定或聯乘口味都應有盡有，啱晒攤抖時放上FACEBOOK打卡！而且各款雪糕都只索價約510yen起，購物儲落嘅點數話唔定夠您免費換到一杯雪糕！？
※以下採訪時店內陳列及販售商品。實際情況因到訪時期而異。
COLD STONE CREAMERY提供五花百門嘅雪糕口味，總有一款啱您胃口！
咁多款口味同配料都夠晒七彩繽紛，無論揀邊款都可以輕鬆影到靚相啦。
決定好揀咩口味後，都係嗰句—畀錢時記得向店員出示d POINT CARD！簡單講一句「我想要用點數」就OK！
免費雪糕到手！每1 d POINT都可以當作1yen使用，配合埋領取d POINT CARD時附贈嘅會員特典嘅300點數，就可以用至抵價嘆雪糕啦！
開心share畀朋友分享，一齊儲點數啦♪
睇完以上介紹係咪覺得好吸引呢？d POINT真係可以為您嘅日本之旅帶嚟勁多著數呀！
日本國內有多間可以儲、使用d POINT嘅加盟店。仲唔快啲叫埋朋友一齊開心share，做個最精明嘅消費者？
事不宜遲，即刻註冊啦！
※會員特典內容或會有所變更。
d POINT相關文章：
※服務介紹→免費註冊會員就可以有價值2000円嘅禮物？！唔好執輸，即刻加入日本d POINT CLUB！
Sponsored by NTT DOCOMO, INC.
Comments