滋賀縣彥根市既坐擁彥根城、近江神社等歷史建築，亦不乏日本最大淡水湖「琵琶湖」等自然景觀。遊客除咗到國寶彥根城探望可愛吉祥物「彥根貓」(ひこにゃん)、登上天守閣眺望琵琶湖絕景，其實仲有好多可以享受彥根嘅旅遊方式！例如您可以喺充滿懷舊氛圍嘅城下町享受購物，又或乘搭屋形觀光船悠閒遊覽彥根城等等。而本文，就要為大家介紹到彥根旅行時推薦嘅2間酒店。
1. 彥根Comfort Hotel (コンフォートホテル彦根)
「彥根Comfort Hotel」正正就位於JR彥根站前面，為旅客提供簡單、機能完善、全面禁煙嘅客房。
雙床標準房寬敞舒適，非常適合同家人或朋友旅行時一齊入住。酒店每日都會免費供應豐富早餐，菜式包括麵包、手抓飯、是日靚湯、水果及乳酪等等。
從酒店徒步約30分鐘，您即抵達國寶彥根城，加上附近一帶遍佈夢京橋城堡大道(夢京橋キャッスルロード)、四番町廣場(四番町スクエア)等觀光景點，精彩行程不容錯過！
從彥根城上，您更可以眺望琵琶湖絕景𠻹！
酒店資訊
- 名稱：彥根Comfort Hotel (コンフォートホテル彦根)
- 地址：滋賀縣彥根市站東町18-7
- 交通方式：彥根站東口步行約1分鐘
- Wi-Fi : 有
- 語言：英文、備有AI翻譯機
- 信用卡：可以使用
2. 彥根燦路都大飯店（HOTEL SUNROUTE HIKONE）
如果想要入住彥根市吉祥物「彥根貓」嘅主題客房，咁彥根燦路都大飯店（HOTEL SUNROUTE HIKONE）就係您不二首選。「彥根貓」據聞係日本吉祥物嘅起源，無論係日本定海外都一樣大受歡迎。
一進入「彥根貓」房間，各式各樣彥根貓周邊商品即刻列隊歡迎您入住，當有仲有部分係可以拎走帶返屋企嘅產品𠻹！
彥根燦路都大飯店亦有提供其他特色客房，例如係日本歷史迷一定會鍾意嘅「石田三成主題房」。除此之外，住客亦可以徒步前往彥根城以及城下町城堡大道，地理位置非常方便。下次有機會去彥根旅行時，不妨就選擇呢間酒店當作您嘅旅行據點啦！
酒店資訊
- 名稱：2根燦路都大飯店 (HOTEL SUNROUTE HIKONE) (サンルートホテル彦根)
- 地址：滋賀縣彥根市旭町9-14
- 交通方式：彥根站西口步行約 1分
- Wi-Fi : 有
- 語言：英文
- 信用卡：可以使用
Comments