【食譜】熊貓蛋包飯【教學影片】

個蛋包飯上面有好多可愛嘅熊貓做裝飾，係未好吸引呢？只要喺整普通蛋包飯嘅過程入面，加小小心思，就可以整出呢一道咁可愛特別嘅蛋包飯！
事先將蛋白同蛋黃分開，喺炒蛋黃上用模型挖空小洞，再將蛋白倒入圓形嘅洞入面，就可以整出圓點圖案嘅蛋包飯。再加小小心思就會變成小熊貓。快啲去片睇吓點整啦！

＜材料（1人份）＞

• 雞蛋 2隻

• 鹽 少許
• 牛油或沙律油 10克
• 炒飯(依自己喜好) 200克

＜做法＞

1. 將兩隻雞蛋嘅其中一隻分開蛋黃同蛋白。

2. 而另一隻就直接打入碗入面，然後加入步驟1嘅蛋黃，一齊將蛋打均。
3. 平底鍋，開火後倒入沙律油，倒入步驟2時打好嘅蛋，用細火慢慢煎到表面凝固，然後用圓形嘅模具喺蛋皮上挖出適量嘅洞。※可以用圓形樽蓋代替圓形模具。
4. 將步驟1分出嚟嘅蛋白倒入挖空嘅圓形洞入面，蓋上鍋蓋蒸，直到蛋白熟透。
5. 將飯倒入碟上，放上步驟4煮好嘅蛋皮，蓋住整個炒飯。
6. 用紫菜加上熊貓臉部嘅細節就完成。