日本邊個地區比較多Guesthouse？

唔知各位去日本旅行時，有無試過揀Guesthouse嚟住呢？編輯部喺本文內就要為各位推薦Guesthouse住宿體驗！與酒店或日式旅館相比，Guesthouse價格比較實惠，而且您仲可以喺公共交流空間與其他旅客進行互動𠻹！

關於日本Guesthouse

喺日本內，Guesthouse並無一個明確定義，但一般情況下Guesthouse通常都係指住客需要同其他客人一齊共用浴室、廁所及客廳等空間，並提供宿舍房間或私人客房嘅住宿設施。

Guesthouse另一個特色，就係只會包含最低限度服務，並唔會提供牙刷、毛巾等梳洗用品，又或早晚餐等。

但係相較其他住宿選擇之下，Guesthouse優點就係價格夠晒經濟實惠，您能夠以每晚2,000～3,500日圓即可入住，仲可以喺公共交流空間同其他遊客進行互動交流𠻹！（資訊截至2019年10月）

日本Guesthouse評價良好嘅原因之一，就係日式房間住宿體驗夠晒獨特。

部分Guesthouse利用以前嘅町屋(日本傳統連體式建築)改造而成，唔單只建築物外觀充滿特色，內裡嘅住宿體驗內容亦同樣備受注目。

例如，共用區會設有被爐（こたつ），住客可以喺到同其他客人或Guesthouse屋主聊天，順便體驗埋日本房屋特有嘅狹窄感，感覺就如自己屋企咁親切。

日本住宿設施按法律可主要分為幾種營業型態，例如西式有酒店、日式則有旅館，而如果住宿設施有多人共用嘅設施，則將被歸類為簡易宿所。

通常Guesthouse同民宿都會被歸類為簡易宿所，惟民宿性質比較接近旅館，與Guesthouse嘅主要分別就在於民宿會提供季節性美食料理，而且設施內一般不設宿舍型房間。

有鑑遊日旅客人數大增，目前各日本大城市以及觀光區嘅Guesthouse數量都正在持續增加。

Guesthouse住宿費用約為每晚2,000～3,000日圓，而私人客房則會較貴，需要每晚約5,000日圓。因此如果希望以更便宜嘅價格入住，我哋建議您可以選擇與其他旅客共用嘅宿舍房型。（資訊截至2019年10月）