點玩日本彈珠機 (Pachinko)？一齊探究日本深層娛樂

日本彈珠機，又被稱為「帕青哥（パチンコ）」，係日本獨有嘅「遊戲」。彈珠機係一個佈滿釘嘅垂直平台，而且上面有好多窿。遊戲玩法係喺平台上面發射小鋼珠，將鋼珠打入窿，就可以贏得更多鋼珠。大概90年前喺日本開設第一間彈珠機舖，而家彈珠機已經發展成喺日本好普遍嘅大眾娛樂。

關於日本彈珠機

據說日本彈珠機係源於歐洲嘅「Wall Machine」（Wall Game）。「Wall Machine」就係一種將小鋼珠彈入洞孔嘅遊戲，同日本彈珠機基本構造一樣。所以推測歐洲嘅「Wall Machine」遊戲傳入日本之後，經過自己嘅發展改後，成為今時今日嘅日本彈珠機。

時至今日，彈珠機嘅基本構造都無變過。但係，因為機器平台上釘子嘅布局複雜，令小鋼珠滑動軌跡亦會變化，所以想將鋼珠射中目標並唔容易，要不斷微調鋼珠發射嘅角度先得。雖然彈珠機睇喺嚟好簡單，但其實都需要一定技巧架。需要微調小鋼珠彈出的角度。雖然這是一個看似簡單需要一定技巧的遊戲。

由彈珠機嘅設計中，可以睇到好多具日本世界觀嘅代表，例如形像代言人等。而且彈珠機亦經常會同名人、動漫等合作，有好多款唔同嘅設計。尤其喺日本，當然會同人氣動漫嘅合作特別多，例如有忍者小靈精、Tom & Jerryerry等。喺日本彈珠機舖入面，可以見到好多畫咗靚靚動漫角色嘅彈珠機。

彈珠機嘅玩法就係，首先揀一部機，然後買彈珠，將鋼珠發射，彈入機器嘅目標洞孔中，當鋼珠入洞或者射中目標時，就可以獲得更多小鋼珠。可以將贏返嚟嘅鋼珠放喺盤入面，再次用嚟發射。

另外，如果將鋼珠打進特定嘅目標嘅話，液晶顯面螢幕會出現唔同圖案，如果圖案相符合，就會獲得更多鋼珠。贏返嚟嘅鋼珠，就可以用嚟繼續玩遊戲或是換取獎品。

此外，由於日本彈珠機嘅音響同光效同好華麗，單純剩係欣賞遊戲畫面就已經好有趣。

有一啲日本彈珠機店，仲專登為外國遊客提供翻譯等服務，令唔識日文嘅人都可以輕鬆體驗呢個遊戲。例如會有電話通譯服務，或者係多語言版本嘅說明書提供。

此外，仲有舖頭製作多語言版本廣播，仲會用唔同方法，喺即使無識對應外語嘅員工情況下，都可以令遊客順利體驗到彈珠機遊戲。所以唔識日文都可以照入去，唔需要擔心。

日本彈珠機，其實有分Pachinko（一般彈珠機）同Pachislot（比較近似老虎機），最大嘅分別就係有無對齊圖案嘅遊戲功能。老虎機係可以自己對齊圖案。當然，要儲齊圖案係有技巧啦。玩法同一般彈珠機一樣，贏咗小鋼珠就可以換獎品。