位於日本岩手縣嘅「猊鼻溪」係因鐵砂河侵蝕咗石灰岩而形成嘅溪谷，全長約2公里。隨住四季變換，呈現出唔同風貌嘅美景，非常推薦。春天係賞藤花嘅時期，藤花盛開喺懸崖峭壁之上。不妨乘舟順流而下，欣賞一下猊鼻溪沿途嘅美好風光。
位於日本岩手縣猊鼻溪
「猊鼻溪」係一座位於日本岩手縣嘅溪谷。沿著北上川支流嘅鐵砂河，約2公里長嘅石灰岩岩壁高度超過50米。猊鼻溪喺過去鮮為人知，完全係因為土生土長嘅佐藤猊嚴同佢父親致力將呢度開發做旅遊景點，投資咗一大筆錢。所以將呢個命名為「猊鼻溪」，其實係為咗紀念佐藤猊嚴同當地嘅有志之士嘅貢獻同功勞。
猊鼻溪必睇推介
嚟到「猊鼻溪」，可以欣賞自然力量之下創造出嘅各種奇岩異石。非常有魅力嘅景色，再加上隨著四季變化為佢添上色彩。4月至5月係新綠盎然，藤花盛開嘅季節。攀爬喺藤架之上嘅豔麗花卉同新綠兩者之間有鮮明嘅對比色，非常顯眼美麗。搭船遊覽溪谷，體驗順流而下嘅遊船之旅，船夫會喺船頭以一根木竿靈活咁操控船隻，喺溪谷間可以來去自如，船夫仲會邊划船邊吟唱傳統歌調，令光景更添格外韻味。
猊鼻溪遊船 沿溪而遊
要悠閒欣賞猊鼻溪嘅景色，推薦大家可以搭「遊船」。享受一下全程所需時間約90分鐘嘅遊船河之旅。一年隨季節舉辦特定活動，冬天搭乘還能體驗窩在暖桌內用餐呢。
猊鼻溪的遊船搭乘資訊
遊船體驗每日有8至11次，每隔一小時定時開船。費用為成人1,800日圓、兒童900日圓、幼兒為200日圓。來回一趟，無須預約亦可搭乘（超過15人以上嘅團體就要事先預約），無休假（但有可能因天氣影響而要停駛）
去猊鼻溪嘅交通方式
由東京都要前往猊鼻溪，可以由「東京站」搭乘新幹線（車程約2小時）喺「一之關站」落車，轉乘JR電車（車程約30分鐘）喺「猊鼻溪站」落車，步行約5分鐘可達。
景點資訊
- 景點名稱：猊鼻溪
- 地址：岩手縣一關市東山町長坂字町467
- 交通方式：東京站→[新幹線]車程約2小時→一之關站→[JR]車程約30分鐘→猊鼻溪站…徒步約5分鐘
- Wi-Fi : 無
- 語言：只有日文
- 門票：於售票窗口購買
- 信用卡：不接受信用卡付款
Comments