青森縣弘前酒店推介3選！

青森縣弘前以美麗櫻花、優雅洋風建築而聞名，當中都有唔少酒店可以令你住得舒適之餘，仲可以充分感受弘前風情。弘前嘅城堡、山脈等大自然風景，一年四季都有唔同嘅靚風景，你準備好行程未？你決定好住邊酒店未？末就參考吓小編以下推薦嘅弘前酒店啦。

弘前公園酒店：裝潢雅致的客房、有津輕三味線演奏的居酒屋

弘前公園酒店位於弘前站同市中心之間，地理位置便利。酒店客房採用歐洲進口嘅家具，營造出同弘前市街景一樣復古又典雅嘅氣氛。另外，酒店入嘅居酒屋「響」有津輕三味線現場演奏，畀你可以擁有非日常嘅體驗。一邊聽著傳統樂器演奏，一邊享用當地美食，彷彿時光倒流回到古代，感受日式風情。

餐廳位於酒店頂樓，推薦大家去一邊享用自助式早餐，一邊俯瞰八甲田連峰同弘前街景。酒店餐廳提供新鮮出爐嘅麵包、日本奄列等日式式西式經典料理，另外仲有津輕醃漬物、山藥同蘋果醬等等當地代表美食。入住呢間酒店，可以讓你發現更多弘前同青森嘅魅力！

名稱: 弘前公園酒店（弘前パークホテル）
地址: 〒036-8182 青森縣弘前市土手町126
交通方式: 東京站→[新幹線]約3小時10分鐘→新青森站→[JR]約40分鐘→弘前站…步行約12分鐘，或搭乘弘前市内循環巴士約10分鐘。羽田機場→[飛機]約1小時15分鐘→青森機場→[青森機場線巴士] 約1小時→弘前巴士總站…步行約10分鐘。
Wi-Fi: 有
語言: 英文
信用卡:可以使用JCB、VISA、Mastercard、American Express、UC、DC、NICOS、Diners Club、UFJ、Saison

弘前廣場酒店客房裝潢以溫暖色調為基礎，畀人一種舒服乾淨嘅感覺。一樓大廳提供免費自助式咖啡，你可以自由飲返杯咖啡放鬆一下。

酒店內有一間餐廳提供日式套餐、單品料理，酒類等，你亦可以要求提供Room Service。而自助式早餐方面，亦有20到30種菜餚任君選擇，例如津輕產嘅米、津輕醃漬物等等當地鄉土美食，同時亦有經典嘅西洋早餐料理。

另外，酒店仲設有投幣式自助洗衣機，就算連續住幾晚都好方便。

名稱: 弘前廣場飯店（弘前プラザホテ）
地址: 〒036-8001 青森縣弘前市代官町101-1
交通方式: 東京站→[新幹線]約3小時10分鐘→新青森站→[JR]約40分→弘前站鐘…步行約15分鐘。羽田機場→[飛機]約1小時15分鐘→青森機場→[青森機場線巴士] 約1小時→弘前巴士總站…步行約7分鐘。
Wi-Fi: 有
語言: 僅限日文
信用卡: 可以使用VISA、JCB、AMEX、Diners Club International、DC、UC、NICOS

Route Inn酒店弘前站前距離車站只需3分鐘路程，地理位置極佳。一入到酒店大廳，就可以享用迎賓咖啡，仲可以帶返客房慢慢享用。客房裝潢豪華、悠閒嘅環境讓人感到放鬆舒服。

而小編最推薦嘅就係酒店頂樓嘅鐳素人工溫泉大浴場。旅行玩咗成日都攰喇，一於喺浴池伸展四肢，療癒奔波疲憊嘅身心，第二日繼續盡情玩！

早餐方面，酒店餐廳每日都會更換菜式，提供歐洲進口5種麵包等共30多種料理。美味又營養均衡嘅早餐，一定可以滿足到你，為新一天帶來美好嘅開始。

名稱: Route Inn酒店弘前站前（ホテルルートイン弘前駅前）
地址: 〒036-8003 青森縣弘前市駅前町5-1
交通方式: 東京站→[新幹線]約3小時10分鐘→新青森站→[JR]約40分鐘→ 弘前…步行約3分鐘。羽田機場→[飛機] 1小時15分鐘→青森機場→[青森機場線巴士] 約1小時→弘前站前…步行4分鐘
Wi-Fi: 有
語言: 英文
信用卡:可以使用VISA、JCB、Diners Club、American Express、UC、DC、Master Card、UFJ NICOS、現金卡、iD、其他（電子貨幣：WAON、Ponta）