「熊野速玉大社」係以姻緣之神出名，係全日本熊野神社嘅總本宮。塗上朱紅色嘅社殿係佢嘅象徵標誌。主祭神係被視為夫婦神嘅「熊野速玉神」同「熊野神夫須美大神」。呢個神社擁有據說保佑姻緣嘅神木，仲有同重要嘅人維持關係嘅御守等等，同姻緣非常有關係啊。
熊野速玉大社小檔案
熊野速玉大社位於千穗峰山腳下，背後有熊野川流經。「熊野三山」係「熊野速玉大社」、「熊野那智大社」、「熊野本宮大社」嘅總稱。根據日本神話，神倉山係熊野諸神最初降臨之處，之後移居到呢度，作為熊野神被大家供奉。
神社境內嘅中心後方有「權現山（神倉山）」，而熊野川上嘅「御船島」同「御旅所」，仲被指定為世界遺產。
熊野速玉大社必睇特色之一：供奉主要祭神嘅「拜殿」同「神門」
正面拜殿有第一殿（結宮）同第二殿（速玉宮），供奉主祭神，即係被視為熊野夫婦神嘅「熊野速玉大神」同埋「夫須美大神」。據說熊野速玉大神係藥師如來嘅化身，而熊野夫須美大神就係千手觀音嘅化身。另外，沿住參拜道路走到正殿入口，可以見到神門上掛住「注連繩」，表示神聖同不潔之間嘅界限。
熊野速玉大社必睇特色之二：日本國家指定天然紀念物 神木「竹柏大樹」
神社境內嘅｢竹柏大樹｣，相傳係平安時代末期武將，平清盛之子「平重盛」親手種植。樹齡超過千年，被指定為日本國家天然紀念物。竹柏嘅日文係「ナギ(nagi)」同「凪」同音，寓意係「讓海面風平浪靜」，因此據說可以保佑良緣同海上安全。
竹柏大樹嘅葉脈僅垂直分布唔易破裂，據說可以繫住所有姻緣。自古以來，人民就習慣用竹柏葉拎嚟做御守送禮。
熊野速玉大社必睇特色之三：收藏1000件以上寶物嘅熊野「神寶館」
以室町時代供奉足利義滿公嘅器具用品為中心，收藏咗大約1,200件古時候祭祀神明用品，其中仲有好多被列為國寶。可以睇到自古流傳下來嘅寶物，例如一整塊檜木雕刻而成，著色嘅佛像坐像「七尊神像」；仲有喺檜木薄片上繪有花鳥風月，以金銀箔點綴嘅「彩繪檜木扇」；收納化妝用具嘅「桐唐草蒔繪手箱」等收藏品。
熊野速玉大社 御守
附有竹柏葉嘅「絆守」（1,000日圓），可以喺打開嘅御守上寫「祝福語句」用嚟當作禮物，因為熊野嘅「竹柏」神木葉唔易斷裂，據說會保佑姻緣。另外，使用神木「竹柏」嘅果實製作嘅「竹柏人偶」（1,500日圓），真係熊野速玉大社獨有嘅特別製作，可以保佑家庭同姻緣。同樣使用神木「竹柏」果實製作嘅紀念品，仲有熊野速玉大社「竹柏御守」（600日圓）、「項鍊型御守」（3,000日圓）、「領帶別針型御守」（3,000日圓）。
關於熊野速玉大社
- 創建年：景行58年（128年）
- 主祭神：第一殿 熊野夫須美大神、第二殿 熊野速玉大神
- 祭典：熊野速玉大祭（國家指定重要無形民俗文化財）10月15～16日、扇立祭：7月14日、除夕夜大祓式・除夕夜祭典・神符遷靈祭：12月31日
景點資訊
- 名稱：熊野速玉大社
- 地址： 〒647-0081 和歌山縣新宮市新宮1
- 交通方式：由JR紀勢線新宮站步行約15分
- 語言：有英語的導覽手冊
- 票價：神寶館500日圓
- 休息日：全年無休
- 參拜時間：神寶館 9：00～16：00
Comments