倉敷長春藤廣場酒店位於倉敷美觀地區內，地理位置極佳。酒店同時亦係一座複合文化設施，由紡織工廠重新規劃再開發而成，因此而時內裡仍然保留著舊時工廠運作時嘅風貌。紅磚外牆與碧綠長春藤交織出強烈視覺對比嘅景色，一邊於廣闊中庭廣場內聆聽著悅耳舒適音樂，一邊仔細欣賞建築美學，絕對係您倉敷之旅偷閒放鬆嘅好去處！
酒店房間設計風格各具特色
倉敷長春藤廣場酒店一共提供四種房型，分別係經濟型、標準型、豪華型三種雙人房以及家庭型。
「經濟雙人房」以岡山溫暖氣候為設計概念，房內採用黃色主調搭配靛藍色，讓人聯想起瀨戶內海以及倉敷名產丹寧牛仔褲。
10月1日重新裝潢開放嘅「標準雙人房」則以岡山縣特產「麝香葡萄」綠色設計。酒店內可以容納四張床、混合寬敞日式與西式風格「家庭房」以及簡單奢華嘅「豪華房」等各種房型都各具特色。
而內裝方面，則大部分都採用木製牆壁與家具，溫和木頭色調令人感到份外溫暖，完美體現出官方希望讓客人入住時光能過得更舒適自在、好好放鬆嘅體貼服務。
自助式早餐助您試盡岡山著名特產
早餐與晚餐菜式皆由「餐廳 蔦」為您預備。晚餐菜式相當豐富豪華，除咗包含日式、西式料理嘅套餐料理，亦有手握壽司或會席料理等各式料理。
而早餐時段，住客就可以品嚐到西式與日式混合嘅自助式早餐。各式料理任君品嚐，例如係使用瀨戶內海捕獲新鮮海鮮與當季時令山林食材炮製而成嘅時令美食，又或岡山縣代表性「朝日米」炊煮而成嘅白飯以及「青鱗魚」等充滿岡山特色當地美食。
於彩繪花窗玻璃大浴場放鬆身心
雖然每一間客房都設有浴缸及淋浴設備，但既然一場嚟到，當然要好好享受一下大浴場嘅設備啦！
男湯（男性大浴池）主題為「湧出泉水的泉」、女湯（女性大浴池）主題則係「綠意盎然的森林」，內裝設計各有特色。男湯以藍色彩繪玻璃窗為基調，而女湯則以綠色彩繪玻璃窗為主題，外頭陽光照射下為浴場內部更添耀眼動人繽紛色彩。
男女湯各設有三個浴池，其中一個為按摩浴池，有機會入住的話，您都不妨喺裡頭伸展一下手腳、舒舒服服浸個浴啦！
綜合設施附設商店及紀念館
倉敷長春藤廣場內唔單只有倉敷長春藤廣場酒店，實際上佢更係一個充滿睇頭嘅觀光設施！遊客可以到廣場內嘅「倉紡紀念館」了解倉敷紡織所歷史，又或到「愛美工房 陶藝教室」體驗陶瓷製作，試用電動拉胚機以及繪圖上色。
另一方面，場內各間店舖則會出售多款岡山及倉敷著名零食、傳統工藝品或民俗藝品，豐富土產手信任君選購！
景點資訊
- 名稱：倉敷常春藤廣場
- 地址：〒710-0054 岡山縣倉敷市本町7-2
- 交通方式：岡山站→[JR電車]車程約20分鐘→倉敷站...徒步約15分鐘
- Wi-Fi：有（酒店客房皆設有免費WIFI上網）
- 語言：英文
- 信用卡：VISA, MasterCard, JCB, AMERICAN EXPRESS, Diners Club International, 銀聯（因設施而異）
Comments