別府市竹細工傳統產業會館：傳統工藝「竹細工」展覽設施

位於大分縣別府市嘅「別府市竹細工傳統產業會館」，係大分縣唯一被指定為國家傳統工藝品嘅「別府竹細工」嘅展覽設施。館內除咗介紹別府竹細工歷史及技法以外，亦展出咗多款竹細工作品。

關於別府市竹細工傳統產業會館

「別府市竹細工傳統產業會館」設立嘅目的，係為咗繼承「別府竹細工」傳統並希望令更多人了解此門傳統工藝。包括地板在內，館內處處都運用咗竹子作室內裝飾，可謂將竹子發揮得淋漓盡致。

遊客於展覽室內可以參觀到各式各樣唔同主題嘅竹細工作品，館內每年亦會舉辦幾次特別展覽、展示多款竹製作品。同場仲有可以體驗製作竹細工嘅「第二研修室」、販售各種竹細工商品嘅「博物館商店＆café」等，都非常值得一遊。

別府市竹細工傳統產業會館內有多個值得參觀嘅地方，以下將為大家介紹主要展覽室及推薦必睇特色。

嚟到傳統產業會館內，相信唔少遊客都會首先被呢到嘅竹製室內裝飾及擺設所吸引。其中，通往展覽室嘅2米高、竹製拱型通道就非常壯觀。用上108條經過切割及加工而成竹子造工細緻精美，如果抬頭仰望拱型頂部，就更加會產生拱門好似移動梗咁嘅視覺效果，到場嘅朋友記得要試試喇！

展覽室內展出咗約150件竹細工作品，展品由日式便當盒、盤子等日用品到出自竹細工名匠之手嘅新穎室內裝飾品或藝術品都有，種類豐富得叫人目不暇給！

除此之外，同場仲有由愛迪生發明、使用碳化竹絲發砲嘅嘅白熾燈泡，以及製作竹細工時會用到嘅道具等等貴重展品𠻹。

播放竹工藝品製作影片嘅「視聽室」以及可以參觀到如何用竹子製作日本古代貴族乘坐嘅車轎「御駕籠」，都係不容錯過嘅精彩內容。

館內附設嘅商店內陳列著大約100種竹工藝品，當中包括筷子、湯匙等日用品，以及耳環、項鍊等飾品、花籃等等。多款物品都非常實用，十分適合買嚟做紀念品。

如果行到攰，則可以到商店附設嘅café，一邊休閒地飲返杯咖啡，一邊欣賞窗外嘅竹林景色。

別府市竹細工傳統產業會館開放時間為8:30至17:00，逢星期一為休館日。如遇公眾假期則常開館並延至翌日休館。12月29日至1月3日期間亦會休館。

門票為成人310日圓。(截至2019年10月資訊）

要到「別府市竹細工傳統產業會館」，請先從JR別府站乘搭「龜之井巴士」。從JR別府站出發嘅「龜之井巴士」有多條路線，如果乘搭「5號巴士經由野口原・APU線」前往距離產業會館最近嘅巴士站「光之園前」，車程約需8分鐘。下車後再步行約10分鐘即可到達別府市竹細工傳統產業會館。

名稱：別府市竹細工傳統產業會館
地址：〒874-0836 大分縣別府市東莊園8-3
交通方式：別府站→[龜之井巴士]約13分鐘→「光之園前」巴士站...徒歩約10分鐘
Wi-Fi：有（Onsen Oita Wi-Fi City）
語言：有中文、英文、韓文導覽手冊
購票方式：現場購票
信用卡：可以使用VISA, MasterCard, JCB, AMERICAN EXPRESS, Diners Club International, 銀聯卡（僅限館內商品店及café）