喺東京港區虎之門，有間立食蕎麥麵嘅舖頭「港屋」。呢間舖頭好受歡迎，無論天氣幾氣或者幾凍都好，舖頭一開門都會有人排長龍。連人氣漫畫《島耕作》入面，以呢間舖頭為原型嘅店舖，都出現過好幾次。但係，呢間咁出名麵店，竟然係2019年2月突然結業。令好多麵店嘅常客唔捨得。但係，舖頭消失半年之後，竟然喺今個月，以「杯麵」嘅形式復活！！！
無論識唔識虎之門港屋嘅人，都推薦你係呢個夢之商品又再突然消失之前，快啲試下呢個「幻之名店」嘅味道。
「日清食品」×「虎之門 港屋」×《島耕作》豪華crossover
「港屋」係喺2002年東京虎之門創業嘅一間立食蕎麥麵店。佢大膽咁用咗辣油嘅「冷肉蕎麥麵」，因為係喺其他地方試唔到嘅食感同味道，令呢間舖聲名大噪。今次發售嘅杯麵，為咗重現呢間「虎之門 港屋」嘅味道，由原本嘅店主菊地 剛志 (Kikuchi Takashi)一齊開發嘅新杯麵味道。
永久保存版嘅包裝
包裝上有《島耕作》作者弘兼 憲史 (Hirokane Kenshi)特別為咗呢個商品而新作嘅原畫，就如同重現漫畫中嘅場景一樣嘅包裝設計，令粉絲好難忍手唔買。
商品情報
商品名稱
島耕作也愛的幻之立食蕎麥麵 虎之門 港屋 辛香辣油雞麵
（島耕作も愛した幻の立ちそば 虎ノ門 港屋 辛香るラー油の鶏そば）
商品特徵
- 麵： 好有口感，係為咗夾返個湯底而新開發嘅粗麵。
- 湯底：用咗胡椒同山椒，仲加埋花椒，去襯托甜鰹上湯嘅湯底。
- 配菜： 蒸雞、蒽、炒芝麻。
- 外加: 特製「港屋 辛香辣油」。
Comments