日本姆明主題公園交通攻略＋必玩必買懶人包

亞洲第一座姆明主題公園「Moominvalley Park」終於喺2019年3月喺日本埼玉縣飯能市開幕！園區唔單止夢幻又可愛，故事場景嘅還原度仲好高，而且有好多獨家限定商品，係唔係令你蠢蠢欲動呢？愛玩妞整理出Moominvalley Park嘅必玩必吃必買重點，仲有最划算嘅交通方式分享畀大家！快啲繼續睇落去～

必到！姆明之家Muumitalo

嚟到Moominvalley Park一定要打卡嘅位置！忠實重現原作中姆明同好朋友們一齊生活嘅姆明之家，由地下一樓嘅食物儲藏室、一樓廚房、餐廳、到二三樓嘅客廳同各人嘅房間，都通通重現，仲要有好多好迷人嘅細節位，同埋驚喜嘅小機關！

必影！姆明世界還原場景

忠實還原姆明原作嘅場景，唔朝聖都唔得！除咗姆明屋企之外，仲有、燈塔（Majakka）、水邊小屋（Uimahuone），唔單止還原度高，連周邊環境都好似，成個姆明山谷座落係睇唔到高樓大廈嘅自然環境中，所以去到邊都唔會出戲，真係好有走入咗童話故事世界嘅感覺～！

必玩！Kokemus「體驗」

Kokemus喺芬蘭語入面，係「體驗」嘅意思，呢棟3層高嘅設施入面，有姆明嘅食堂、小賣店同埋展覽嘅位置，展出咗超過８米嘅姆明世界模型，作者

當中包含嚕嚕米谷的食堂、賣店，以及展覽空間，展出超過8公尺的嚕嚕米世界模型、作者托措芙・楊笙(Tove Jansson)嘅生平，同埋姆明嘅世界翻譯作品等等。

必食！Muumilaakso ruokala 姆明谷嘅食堂

以幻想夜之森林派對為概念嘅主餐廳。其中推薦大家一定要試吓好有畫面嘅綠帽子意粉（緑の帽子のパスタ）同埋孤山牛肉燴飯（おさびし山のハヤシライス）喔！

必買！Muumilaakso kauppa姆明谷嘅商店

呢個係全世界佔地最大、商品數量最多嘅姆明專門店，仲有一整區Moominvalley Park限定商品，非常好行！記得入去之前要數清楚有無帶夠錢～

Moominvalley Park限定商品人氣TOP 3

#姆明浮雕罐曲奇餅（レリーフ缶ベイクドクッキー）

精緻嘅姆明一族立體浮雕罐曲奇餅，派完入面嘅曲奇餅之後，可以留返個罐嚟自己用(笑)！

#姆明公仔Ｓ（ムーミンぬいぐるみ S）

小型姆明公仔，細細隻方便帶去周圍去。

#阿美公仔髮夾（クリップぬいぐるみリトルミイ）

迷你版本嘅小美公仔髮夾，無論夾頭髮定係夾喺手袋上面都超級可愛！！～

必睇！Emma teatteri（艾瑪劇場）

姆明一族戶外劇場，一日有3次免費現場演出（依據天氣狀況可能會有變更）。想睇現場嘅姆明同埋佢地好朋友們，即係阿美、史力奇等，就要mark定開演時間，提前去排到霸個好位！

必玩！飛行冒險高空滑索Taikurin seikkailupaikka

由孤山山頂出發，穿過宮澤湖、森林，穿越整個姆明山谷嘅上空，呼一聲就來回400米嘅高空滑索。風景就當然靚唔再講，最正嘅只係造一根纜繩就喺高空滑行，坦白講，出發前真係驚到震，但飛咗出去之後，睇到美景就完全可以將恐懼抛諸腦後，切換成睇風景模式～

必食！Lettula鬆餅餐廳

#雲之棉花糖班戟（雲のコットンキャンディーパンケーキ）

難得嚟到童話世界，當然要食天空嘅雲！～（吃之前先拍200張照片）

前往姆明主題公園「Moominvalley Park」嘅交通方式

搭西武鐵道池袋線到「飯能駅」，出站後喺北口嘅巴士站1號乘車處，換乘直達「metsä（メッツァ）」嘅巴士，喺「metsä」站下車就到。

購買划算的嘅外國人專用一日券「SEIBU 1Day Pass」，可以由池袋站搭車直達飯能站。所以想去搵姆明玩，就唔好唔記得帶護照！

最正嘅係西武鐵道同「Moominvalley Park」合作推出嘅入場券連往返車票嘅套票「Moominvalley Park Ticket & Travel Pass」，包咗「西武鐵道1日乘車券（SEIBU 1Day Pass）＋飯能站或東飯能站至metsä（メッツァ）嘅巴士票(來回一次)＋「Moominvalley Park」門票」，而且套票好可愛，值得收藏（出售資訊請睇文末）

同場加映：西武鐵道新型特急電車Laview

直擊野生姆明上班通勤ing（誤）！呢架同童話生物好夾嘅列車，其實係可以由東京西武鐵道池袋站，直接搭到飯能站嘅新型特急電車「Laview」，2019年3月剛剛正式出道，而且佢唔只可愛，仲大有來頭！

「Laview」係日本名建築師—妹島和世首次設計嘅電車，結合其最擅長嘅「穿透、透明」元素，令電車唔再只係交通工具咁簡單，仲可以自然融入都市同自然風景入面，而乘坐起嚟亦都舒服到好似坐喺屋企客廳咁～

▲「Laview」有135 × 158 厘米嘅大玻璃窗，令乘客可以將沿途風景盡收眼底

溫暖黃色系嘅梳化座椅、白色內裝、曲面設計，加上採光好好嘅大面玻璃窗，「Laview」車廂入面都好明亮舒服，而且列車行進時都非常平穩仲好靜，無論想稍微瞓一陣，定係食嘢，都唔會有車聲騷擾，唔知唔覺就到目的地。而且每個座位側邊都有充電位，真係舒服到好似自己屋企咁～（翹腳）

真心推薦由東京搭超可愛又舒服嘅新型特急電車Laview，除咗大面窗看風景超過癮，同時令搭車成為為自己身體同埋手機回血嘅時候，休息完就可以用滿格電子去搵姆明玩～

*溫馨提醒，如果搭乘特急電車嘅話，需要另外購買特急券，池袋站至飯能站嘅單程急電車票價為500円。

景點資訊

名稱：Moominvalley Park
地址：埼玉県飯能市宮沢327-6 metsä（メッツァ）
營業時間：10:00～20:00
門票：大人 1,500延，4歲以上、小學生以下 1,000日圓，3歲以下免費入園

Moominvalley Park Ticket & Travel Pass販售地點

西武鐵道池袋駅特急券售票處（１樓）、池袋駅乘車券中心（地下１樓）、西武新宿駅特急券售票處、高田馬場駅
西武池袋旅遊服務中心
海外旅行代理店：