位於愛媛縣大洲市肱川流域嘅臥龍山莊，係一座建於明治時期嘅別墅。喺呢座充滿日式風格嘅家屋內，您到處都可見到精緻嘅裝飾與設計。日本知名建築師黑川紀章曾評價臥龍山莊為「不比桂離宮或修學院離宮遜色嘅傑作」，庭園更於2011年獲《米芝蓮綠色指南・日本》1星級評價。如果各位喺參觀嘅時候多留意建築物細節，保證樂趣將會加倍！事不宜遲，以下就為大家介紹臥龍山莊嘅特色啦！
大洲臥龍淵必睇特色之一：臥龍院「清吹之間」精緻鏤空雕刻
主屋「臥龍院」外觀望上去與茅草屋頂農舍有幾分相近。實際上，主屋內部一共分為幾個房間，而且每間房嘅裝潢都非常精緻。 其中，「清吹之間」以水為意象嘅鏤空雕刻就特別值得注意。雕刻以四季流水為主題，春天圖案為山蔭下生長嘅落葉灌木「花筏」；夏天戚代表水面漣漪嘅「水紋」；秋天為菊水；冬天則係代表窗外雪景嘅「雪輪窗」。
大洲臥龍淵必睇特色之二：「不老庵」將絕景一覽無遺
建於懸崖上嘅不老庵俯瞰著整個臥龍淵，外觀有如「船」嘅不老庵從石牆頂部突出，因此遊客可從正上方俯視龍臥龍淵。另外，建築物裡面嘅圓拱型竹編織天花板亦相當值得欣賞。入夜後月光會從天花板灑進房間、照亮建築嘅巧妙設計。
大洲臥龍淵必睇特色之三：著名青苔庭園
第三個必睇特色，就係庭園。佔地闊嘅庭園充分運用自然景觀，以蓬萊山（蓬萊島）為中心融入四周草木。庭園內石頭步道被茂盛青苔覆蓋，欣賞價值可謂毫不比京都西芳寺輸蝕。喺呢座種有佈滿青苔嘅日式庭園內亦種有樹齡達數百年嘅老樹，秋天紅葉亦不容錯過。
前往大洲臥龍淵嘅交通方式
距離臥龍山莊嘅最近車站係JR大洲站，從車站轉乘的士約5分鐘即可以抵達。揸車前往嘅遊客，則可以免費使用「大洲鎮車站朝靄」停車場。
景點資訊
- 名稱：臥龍山荘
- 地址：〒795-0012 愛媛縣大洲市大洲411-2
- 交通方式：JR伊予大洲站[步行約25分鐘]…臥龍山莊或JR大洲站→[的士]約5分鐘→臥龍山莊
- 票價：500日圓
- 時間：9:00～17:00 (最後入園為16:30)
- 休息日：全年無休
Comments