比地大瀑布：沖繩本島規模最大嘅瀑布

比地大瀑布位於沖繩本島北部比地川中間地帶，係沖繩規模最大嘅瀑布，而且景色非常壯觀、魄力十足。瀑布附近設有「比地大瀑布露營場」，遊客可以喺豐富自然環境中舒適地享受露營樂趣。

比地大瀑布小檔案

高低落差達25.7米嘅比地大瀑布係沖繩本島最多水量、最高大嘅瀑布。瀑布位於「山原 (ヤンバル，Yanbaru)」地區，區內棲息著多種特有物種以及瀕臨絕種嘅動植物。瀑布周邊亦有380種珍貴植物生長，並棲息著鳥類、螃蟹等多元化生物。

比地大瀑布內設有從露營場入口開始延伸嘅健行步道路線，亦有歡迎遊客喺河川上遊玩嘅景點。以下就為大家介紹特別推薦嘅景點以及遊玩方式。

前往比地大瀑布嘅步道整備完善，係一條相當受歡迎嘅健行路線。步道全長約1.5公里，單程約需40分鐘。沿途上您可以見到多種動植物，以及眺望森林絕景嘅景點。

喺步道中途嘅吊橋上，您更可以從正上方眺望比地川，腳下就係大片壯觀風景！

由於步道途中有多個樓梯及陡峭斜坡，因此建議穿著耐行舒適嘅運動鞋前往。

比地大瀑布位於山原森林中，您有很大機會喺到搵到罕見嘅動植物。例如生長於步道周圍嘅「筆筒樹」、「姑婆芋」等沖繩本島搵唔到嘅巨型亞熱帶植物。

如果幸運的話，您仲可以遇上沖繩群島特有嘅鳥類「琉球歌鴝」，又或劍尾蠑螈、琉球地龜等動物。

比地大瀑布成人票價為每人500日圓。開放時間依季節而異，4月～10月為上午9點～下午4點、11月～3月為上午9點～下午3點；而最終關門時間則為4月～10月下午6點、11月～3月下午5點半。(2019年8月資訊)

要前往比地大瀑布觀光，您可以首先從「那霸機場」乘搭高速巴士直達「名護巴士總站」，車程約1小時40分鐘；然後從名護巴士總站轉乘沖繩巴士，車程約50分鐘可到達最近瀑布嘅巴士站「奧間海灘入口」，最後從奧間海灘巴士站步行約30分鐘即可到達比地大瀑布露營場。

經由步道從比地大瀑布露營場到比地大瀑布，約需40分鐘。