富士野生動物園位於静岡縣裾野市，遊客能夠觀察動物喺大自然環境中悠閒生活。遊客可以搭私家車或園內巴士親眼望到眼前行過嘅野生動物，或嘗試近距離餵動物食嘢等難得且珍貴體驗。
關於富士野生動物園
富士野生動物園位於富士山山麓，係個相當受歡迎嘅野生動物園。園內分為兩大特色區域——「野生動物區」同「互動區」。野生動物區唔似一般嘅動物園咁喺欄杆外睇動物，而係可以近距離睇眼前動物動態；而喺互動區則可以同可愛動物互動接觸。另外，期間限定舉辦嘅「夜晚野生動物園」仲可以觀察到夜晚特有嘅野生動物生態。而且園內隨處都可以望到富士山都係一大魅力。
富士野生動物園嘅睇頭及推薦必玩之處
在此要介紹富士野生動物園園區導覽，以及在不同區域可體驗到的園區之旅和動物們，與推薦的參觀方式。
充滿魄力嘅富士野生動物園遊園之旅
富士野生動物園提供各種可近距離觀看野生動物或餵食嘅體驗方式，例如可以搭金屬網窗嘅「叢林巴士」或「超級叢林巴士」遊園，野生動物們隔著金屬網窗近在眼前，或以步行方式繞行野生動物區外圍嘅「野生動物園健行」或「探險之旅」等等都有。
其中特別推薦坐叢林巴士遊園，同動物嘅距離僅約20厘米左右，可以睇到例如舌頭或手掌肉球等身體部位嘅細節，甚至仲可以感受到動物呼吸氣息添！又可以睇到獅子或熊等平時無機會親近嘅動物靠近叢林巴士嘅身影，仲有唔少得餵動物嘅珍貴體驗。
請注意，部分行程需要預約，建議遊園之前事先查看官方網站喔。
觀賞獅子、老虎、大象或貓鼬等動物
喺野生動物區內有獅子、棕熊、獵豹、長頸鹿、斑馬、大象等動物棲息，合共約有30種肉食及草食動物。其中更以「非洲象」同數量稀少嘅「西伯利亞虎」為最大睇頭，相當具有震撼力！
另外，喺互動區則劃分有「互動牧場」、「動物村」，「狗館」、「貓館」、「兔子館」等設施。喺互動牧場同動物村有疣猪、袋鼠、猫鼬或水豚等珍貴稀有動物。另外仲可以體驗騎馬或餵動物。
富士野生動物園內餐廳
富士野生動物園園區內有四間西式同日式餐廳。平均價格大約1,000日圓以下，相當平價實惠。另外都有麵包店同提供外賣嘅攤檔，天氣晴朗時喺戶外長椅野餐都唔錯呀。（截至2019年8月資訊）
富士野生動物園的營業時間、入場費及參觀所需時間
富士野生動物園囓營業時間隨季節而有所不同：3月11日左右至10月為9:00至16:30、11月至3月10日左右為10:00至15:30。另外，8月中旬等特定期間亦會於7:00或8:00等提早開園。（詳情請參考官網）
而期間限定嘅夜晚野生動物園嘅開園時間為17:00至19:30。（截至2019年8月資訊）
入園門票費用
富士野生動物園嘅入園門票費用為成人每人2,700日圓。夜晚野生動物園則為成人每人1,700日圓。此外，參加體驗行程需另外付費。（截至2019年8月資訊）
參觀所需時間
參觀富士野生動物園所需時間視參加嘅體驗行程而有所不同。例如，搭車或叢林巴士等參觀野生動物區一圈大約需要50分鐘至1個鐘左右。如果淨係以行路方式繞行野生動物區外圍嘅「野生動物園健行」則約為1個半鐘至2個半鐘不等。
去富士野生動物園嘅交通方式
去富士野生動物園有幾種交通方式，其中以從JR御殿場站搭去富士野生動物園嘅巴士班次最多，交通方便。從JR御殿場站乘搭富士急行巴士，車程約35分鐘即可到達。
景點資訊
- 名稱：富士野生動物園
- 地址：〒410-1231 静岡縣裾野市須山字藤原2255-27
- 交通方式：御殿場站→[富士急行巴士] 車程約35分鐘
- Wi-Fi：有（ID：fujisafari-wifi／密碼：fujisafari）
- 語言：英文、繁體中文、簡體中文、韓文
- 購票方式：於入口處購票
- 信用卡：VISA、MasterCard、JCB、AMERICAN EXPRESS、Diners Club International、Discover Card
Comments