靜岡縣嘅伊豆半島有多個唔同海灘。喺伊豆主要有3大海水浴場區域，各有各特色同魅力，可以根據個人喜好揀返個適合自己嘅去啦！
静岡縣伊豆半島嘅沙灘
静岡縣伊豆半島有好多受歡迎嘅海灘，主要分為東伊豆、南伊豆同西伊豆地區。東伊豆地區嘅海灘規模較大；南伊豆地區海水透明乾淨且美麗；西伊豆浪地區浪勢平緩、深受家庭歡迎。無論係邊個區域，喺夏季海水浴場開放期間都吸引眾多遊客、非常熱鬧。
東伊豆地區：大規模海灘
東伊豆地區包含熱海市、伊東市、東伊豆町同河津町。從東京都內去東伊豆地區交通便利，廣闊嘅海灘適合民眾休憩玩樂。
「熱海陽光海灘」交通便利
熱海陽光海灘位於熱海市區，離熱海陽光海灘最近嘅車站——熱海車站係新幹線停經站之一，交通好方便。每逢夏天就有好多遊客造訪，熱鬧非常。海邊設有防坡堤，浪勢平緩，大人小朋友都適合，而且呢度亦係情侶約會嘅人氣海灘之一。設有淋浴間同免費更衣室（僅限女性）。
景點資訊
- 名稱：熱海陽光海灘（熱海サンビーチ）
- 地址：静岡縣熱海市東海岸町
- 交通方式：東京站→[新幹線] 車程約40分鐘→熱海站→[巴士] 車程約5分鐘→熱海陽光海灘…徒步約3分鐘
- 開放游泳時間：9:00～17:00（海水浴場開放期間）
- 是否有更衣室和洗手間：有
- 是否有淋浴間：有
- 是否有寄存行李服務：有（投幣式置物櫃）
「伊東橙色海灘」鄰近溫泉旅館
伊東橙色海灘距離JR伊東站大約3分鐘路程，交通便利，夏季期間都吸引好多遊客。海灘附近都有溫泉旅館，可以計劃入住旅館，咁就可以喺旅館換好泳裝去海灘玩，玩完又可以即刻返去沖身，非常方便。
景點資訊
- 名稱：伊東海水浴場「伊東橙色海灘」（伊東オレンジビーチ）
- 地址：静岡縣伊東市湯川２丁目４
- 交通方式：東京站→[新幹線] 車程約47分鐘→熱海站→[JR] 車程約20分鐘→伊東站…徒步約3分鐘
- 開放游泳時間：8:30～17:00（海水浴場開放期間中有救生員駐守的時間）
- 是否有更衣室和洗手間：有
- 是否有淋浴間：有
- 是否有寄存行李服務：有（付費）
南伊豆地區：海水清澈透明
南伊豆地區包含位於下田市同南伊豆町嘅海灘，呢區嘅海灘數量多，海水透明清澈。
推薦畀家庭去嘅「白濱中央海水浴場」
白濱中央海水浴場位於白濱海岸最北面，海灘設有淋浴間及更衣室。不過就算唔落水都可以喺砂礫岩石沿岸玩，好多人都鐘意帶小朋友嚟玩。另外，仲設有甲板同木造嘅行人路，呢個渡假風格嘅環境都係其特徵之一。
景點資訊
- 名稱：白濱中央海水浴場
- 地址：静岡縣下田市白濱
- 交通方式：東京站→[新幹線] 車程約47分鐘→熱海站→[JR] 車程約20分鐘→伊豆急下田站→[巴士] 車程約18分鐘→古根…徒步約1分鐘
- 開放游泳時間：8:30～17:00（有救生員駐守的時間）
- 是否有更衣室和洗手間：有（無料）
- 是否有淋浴間：有（付費）
- 是否有寄存行李服務：無
「白濱大濱海水浴場」擁有廣大且美麗沙灘
白濱大濱海水浴場有著長約700米嘅美麗砂灘，喺伊豆半島當中嘅砂灘都係特別出名。佔地廣闊同美麗嘅白砂為伊豆首選，喺日本仲以「衝浪的聖地」而聞名添！旺季有吸引好多遊客前來，相當熱鬧。另外，呢度設有全年都可使用嘅淋浴間。
景點資訊
- 名稱：白濱大濱海水浴場
- 地址：静岡縣下田市白濱
- 交通方式：東京站→[新幹線] 車程約47分鐘→熱海站→[JR] 車程約20分鐘→伊豆急下田站→[巴士] 車程約15分鐘→RESPO白濱
- 開放游泳時間：8:00～17:00（有救生員駐守的時間）
- 是否有更衣室和洗手間：有
- 是否有淋浴間：有（付費）
- 是否有寄存行李服務：有（投幣式置物櫃）
西伊豆地區：海灘浪勢平緩、受家庭歡迎
西伊豆地區包含位於伊豆市、沼津市、西伊豆町同松崎町嘅海灘。寧靜且平穩嘅海浪為其特色，因而廣受家庭歡迎。
「土肥海水浴場」為西伊豆最大嘅海灘
土肥海水浴場係西伊豆海岸規模最大嘅海灘，相當受人歡迎。因為波浪平穩，好適合一家大細去戲水，而且海灘時常有救生員駐守，又可以安心喺度游水。另外，沙灘上設有淋浴間同更衣室供遊客免費使用。
景點資訊
- 名稱：土肥海水浴場
- 地址：静岡縣伊豆市土肥2657-6
- 交通方式：東京站→[JR特急] 車程約2小時8分鐘→修善寺站→[東海巴士] 車程約50分鐘→土肥溫泉
- 開放游泳時間：9:00 ～ 17:00
- 是否有更衣室和洗手間：有
- 是否有淋浴間：有（溫水淋浴需付費）
Comments