「堂島」係静岡縣著名嘅觀光勝地之一。西伊豆嘅海岸為沉降海岸，多樣化有著唔同面貌，形成擁有幾個美麗景觀嘅天然港口。呢度亦有國家公園同名勝景點，例如伊豆西海岸等觀光景點。其中，喺堂島可以睇到嘅神秘夢幻美景最推薦你嚟一睇！
位於日本静岡縣的「堂島」
位於静岡縣西伊豆町嘅堂島鄰近一帶海岸係國家指定名勝景點。乘濱海岸、堂島海岸、瀨濱海岸周圍嘅島嶼統稱為「堂島」。另外，西伊豆更以充滿魅力嘅夕陽美景而聞名。去到堂島，千祈唔好錯過洞中有洞嘅「天窗洞」，同欣賞「三四郎島」退潮時等等景色吖！
推薦必去必睇嘅堂島景點
國家指定天然記念物「天窗洞」
天窗洞係由白色凝灰岩構成，好似蜂巢一樣咁嘅海蝕洞穴隧道。可搭遊覽船進入洞穴，洞中央有一個好似天窗咁嘅穿孔，喺黑暗嘅洞窟中，光線從洞頂嘅天窗照射到海面，形成一幅帶有神秘色彩嘅景象。夢幻景色讓人聯想到義大利著名嘅藍色洞窟。另外，從堂島散步道嘅行人路都可以從上方望到天窗洞。
坐船遊覽欣賞天窗洞的「堂島巡遊」
最佳欣賞天窗洞嘅方法，推薦搭遊艇出海嘅「堂島巡遊」。由「Dogashima Marine」經營嘅遊覽船，一日有2班船，所需時間約25分鐘。費用為成人1,700日圓、孩童850日圓。全年無休，但若天氣唔好時有可能停駛，建議事先查看官網確認清楚。
景點資訊
- 名稱：Dogashima Marine（堂ヶ島マリン）
- 地址：静岡縣賀茂郡西伊豆町仁科2060
- 交通方式：東京站→[新幹線] 車程約40分鐘→熱海站→[JR] 車程約1時間40分鐘→伊豆急下田站→[東海巴士] 車程約60分鐘→堂島
- Wi-Fi：無
- 語言：僅限日文
- 門票：於購票窗口購買
- 信用卡：無法使用
入住堂島嘅旅館體驗浸溫泉樂趣
喺堂島附近，有酒店、日式旅館、民宿、別墅式公寓等多唔同種類嘅住宿設施。有啲旅館鄰近觀光景點，交通便利，有啲則可以欣賞到美麗嘅夕陽美景，有各種充滿魅力嘅住宿設施任你揀。另外，喺西伊豆町嘅堂島溫泉鄉，亦有可以體驗溫泉泡湯樂趣嘅旅館。去呢度玩兼住返一頭半晚，可以一邊欣賞美麗景色，同時浸溫泉放鬆紓解旅遊疲勞，都唔錯呀！
去堂島嘅交通方式
從東京都內去堂島，可以從東京站搭新幹線，至熱海站落車。喺熱海站轉搭JR列車到伊豆急下田站落車。跟住搭往堂島方向嘅東海巴士到堂島落車，車程約60分鐘。
Comments