花小路 SAWADA 北海道三星的懷石料理

北海道嘅星級餐廳未必有喺京都或者東京咁多。但呢間位於北海道扎幌嘅懷石料理花小路SAWADA (さわ田)一定對得起呢三粒星☆☆☆

簡單顯功夫

花小路SAWADA嘅懷石料理同京都嘅比起嚟似乎無咁花巧，可以話係簡樸歸真。唔好以為簡單就唔夠高級唔夠好，就係越簡單先越考廚師真功夫。雖然未必適合影相呃LIKE用，但絕對適合你細心品嘗。

而呢間餐廳最講究嘅唔係精緻嘅外形，唔係高級嘅食器，而係食得啱時節。呢樣嘢係賣花巧嘅時代已經越嚟越少見，但呢間懷石料理就堅持提供合時嘅料理。所以無固定餐牌，全部omakase(廚師發板)，按時節提供最適合最「旬」嘅嘢食畀客人。

客人可以預先訂套餐，由萬幾円到三萬円一位，有幾款唔同價位可以揀，預早同師傅溝通好有咩喜好或者唔食嘅，咁廚師就可以為你度身訂造。呢度仲可以食到河豚料理，河豚師傅要另外考牌，唔係周圍都可以食到架。

花小路SAWADA位於扎幌中央區，去北海道總會經過扎幌，無論係停一兩日遊覽或者只係交通中轉亦好，都好方便可以去試吓。如果驚唔識日文預訂，就可以用代客預訂服務，係Jpneazy預訂已經詳列好唔同套餐價錢，訂套餐嘅話無另加手續費，又可以預先幫手同餐廳溝通，到時剩係帶個人去享受美食就得，非常方便。