去日本食壽司幾乎係其種一項必做嘅行程，但芸芸咁多嘅壽司店裡面，係有限嘅旅遊時間上要揀去邊間食，真係好令人煩惱。假設只可以揀一間嘅話，小編會揀本店係銀座嘅《銀座 久兵衛》。點解？因為佢可以話係東京壽司店嘅起源……
歷史悠久 軍艦壽司嘅始祖
久兵衛喺1935年創業，至今亦係人人都識嘅名店。據說店主係第一位用海膽同三文魚子嚟造款壽司，即係而家喺壽司店必備嘅「軍艦卷」發明者。而家嘅第二任店主今田洋輔先生就更加將久兵衛發揚光大。除咗開設咗「新館」，仲喺各老牌大酒店駐場，包括有「新大谷酒店」、「大倉酒店」、「帝國酒店大阪」等。據說奧巴馬14年來日時都有喺店叫過兩次「久兵衛」,到18年再訪日時甚至直接同安倍首相一齊喺本店到午餐會議。總統都食完再食，當然有咁上下質素。
壽司師傅嘅名門出生地
據說有唔少而家獨當一面嘅壽司司傅都係「久兵衛」出身。隨便網上查下都會出現好幾多名店店主嘅名，其中包括「壽司金坂」、「壽司處 壽壽」、「鮨 久一」等。幾乎係想擠身一流壽司師傅嘅行列，都要嚟呢度修行學習咁。壽司師傅都要嚟學師嘅名門，又試問點會唔好？
經典嘅打卡之選
雖然有人鍾意隱世名店，但久兵衛呢種人人都識嘅名店，真係人生中點都係要去一次。起碼叫做打過卡，可以同朋友就炫耀下。當係壽司入門，食完至少對東京嘅壽司店有個基準同概念。而且雖然話係超級名店，但價錢其實都唔係貴得太誇張，午飯時段最平套戲6千幾円就埋到單。當然仲有貴啲嘅選擇，食更高級嘅食材。
當然呢啲人氣名店係好難訂位，尤其外國人又無打唔到電話去餐廳，又言語不通。好彩而家有啲代訂服務，畀幾百円就幫你訂好哂，唔駛做咩高級卡，年費Ｎ萬嘅LIFESTYLE會員都有專人服務幫你訂枱。
餐廳詳情
- 餐廳名稱：銀座 久兵衛
- 地址：東京都中央区銀座８丁目７−６
- 營業時間：11:30-14:00, 17:00-22:00
- 休日：逢星期日、一
- 付款方式：接受信用卡付款 （VISA、MASTER、JCB、AMEX、Diners）
- 預約：https://jpneazy.com/restaurants/26
相關文章：代客預訂嘅日本服務 「Jpneazy」帶你嘗盡日本美食
Comments