島原半島四個地區住宿預算簡介 助你找適合自己嘅酒店

去島原半島旅遊，可以按照主要觀光嘅地區嚟決定適合你嘅住宿。島原半島共分成四個主要觀光區域：島原、雲仙溫泉、小濱溫泉同南島原。呢篇文章就為大家介紹各區酒店住宿嘅特色、預算同酒店推介啦。

島原地區嘅住宿預算

面向有明海嘅島原市為中心嘅地區稱為島原。沿岸有好多酒店、旅館同民宿。其中以經濟型旅館嘅數量居多，此區嘅平均住宿價位每晚為1萬円上下。

因為呢度有島原溫泉，所以都有一啲可以浸溫泉嘅住宿設施。 溫泉旅館嘅房價每晚大約2萬円左右。

相關資訊

• 名稱：島原（島原鐵道線 島原站）
• 地址：〒855-0042 長崎縣島原市片町586-1
• 交通方式：博多站→[JR長崎本線 特急Kamome]約1小時40分鐘→JR諫早站→[島鐵巴士]約1小時30分鐘
• Wi-Fi支援：有（島原半島FreeWi-Fi）
• 語言對應：英文
• 可使用信用卡：VISA, MasterCard, JCB, AMERICAN EXPRESS, Diners Club International (Depending on accommodation facility)

雲仙溫泉區嘅住宿預算

雲仙溫泉位於雲仙岳西南嘅半山腰。從1800年代末到1900年代初期，係一個廣受外國人歡迎嘅避暑勝地。目前當地有古湯、新湯同小地獄三個溫泉街，無論係酒店、日式旅館定係民宿都有。

位於豐富大自然中嘅雲仙溫泉，幾乎每一間旅館都可以享有雲仙嘅絕美風景。每間住宿嘅價位不等，有啲經濟型旅館每晚唔使1萬円，有啲豪華日式旅館每晚則要10萬円以上。

另外，喺雲仙溫泉周邊地區，有啲神社或寺院會提供俾參拜者住，日文叫做「宿坊」。喺宿坊借宿一宵的話，仲有機會可以嘗試禪坐或聽佛法等難得嘅體驗添！

相關資訊

• 名稱：雲仙溫泉（島原巴士 雲仙營業所）
• 地址：〒854-0621 長崎縣雲仙市小濱町雲仙321
• 交通方式：博多站→[JR長崎本線 特急Kamome]約1小時40分鐘→JR諫早站→[島鐵巴士]約1小時20分鐘
• Wi-Fi支援：有（雲仙溫泉觀光協會事務局内）
• 語言對應：英文
• 可使用信用卡：VISA, MasterCard, JCB, AMERICAN EXPRESS, Diners Club International（依各住宿施設而異）

小濱溫泉區嘅住宿預算

小濱溫泉範圍喺雲仙岳西邊嘅半山腰，面向橘灣嘅區域。同橘灣平行嘅溫泉街上，有各式酒店及日式旅館林立。呢度有好多專門提供住宿、價位合理嘅旅館，大約每晚1萬円以下。 另外仲有好多可以提供溫泉浴場包場嘅旅館，每晚價位介於1萬5千円至2萬円之間。

相關資訊

• 名稱：小濱溫泉（島原巴士 小濱巴士總站）
• 地址：〒854-0514 長崎縣雲仙市小濱町北本町862
• 交通方式：博多站→[JR長崎本線 特急Kamome]約1小時40分鐘→JR諫早站→[島鐵巴士]約50分鐘
• Wi-Fi支援：有（依各住宿施設而異）
• 語言對應：英文
• 可使用信用卡： VISA, MasterCard, JCB, AMERICAN EXPRESS, Diners Club International（依各住宿施設而異）
  

南島原區嘅住宿預算

南島原指嘅係島原半島南部、南島原市為中心嘅地區。整個地區嘅住宿設施並無特別集中一處，而係散佈於各處。同其他地區相比，雖然酒店同日式旅館數量較少，但係有好多規則細嘅住宿設施，其貼心周到嘅服務亦獲得好多好評，可以考慮一下呀。

南島原嘅住宿價位每晚平均唔使1萬円，呢度係島原半島中價位最經濟實惠嘅一個區域。

相關資訊

• 名稱：南島原（島原鐵道線 島原站）
• 地址：〒855-0042 長崎縣島原市片町586-1
• 交通方式：博多站→[JR長崎本線 特急Kamome]約1小時40分鐘→JR諫早站→[島鐵巴士]約1小時30分鐘
• Wi-Fi支援：有（島原半島FreeWi-Fi）
• 語言對應：英文
• 可使用信用卡：VISA, MasterCard, JCB, AMERICAN EXPRESS, Diners Club International（依各住宿施設而異）
  

島原半島酒店推介

可以眺望九十九島絕景嘅「東洋九十九海灣酒店」（Toyo Tsukumo Bay Hotel）

「東洋九十九海灣酒店」係建於島原第一高台上嘅度假酒店。喺呢個面臨大海嘅酒店裡，無論從露天溫泉浴池、咖啡店、餐廳定客房，各個角落都可以眺望有名海、九十九島嘅靚海景，超級奢侈！

酒店提供和室、洋室等多款選擇。所有客房都採光良好、空間寬敞，可以讓你好好放鬆休息！

另外，大獲住客好評嘅會席料理都好值得一試。採用來自山海孕育嘅嚴選新鮮食材，可以品嚐到長崎島原當地嘅特色美食同精緻料理。

酒店內有一個優質嘅「源泉掛流式溫泉」，浸溫泉嘅同時可以欣賞大海連接藍天嘅全景。無論係大型浴場、露天溫泉浴池、檜木溫泉定係桑拿室，都可以放鬆、慢慢欣賞美麗海景。如果早到起身，睇埋個日出畫面就更正！

飯店資訊

• 名稱：東洋九十九海灣酒店（Toyo Tsukumo Bay Hotel）
• 地址：〒855-0864 長崎縣島原市秩父浦町丁3552-53
• 交通方式：島原外港站步行15分鐘。島原外港站或島原港乘搭免費接駁巴士約5分鐘
• Wi-Fi支援：有（※部分客房沒有）
• 語言對祇：英文
• 可使用信用卡：VISA, JCB, Diners Club International