仲喺度節食減肥？你唔好再錯落去喇…
可以輕鬆咁著到任何一件XS嘅衫褲，似乎係近年大部份女生對自己嘅要求...
減肥從來無分國界同性別，無論係香港女生定係日本男生，大家都在意自己身形，所以好努力減肥！
為咗維持身材，面對美食誘惑都必須忍耐再忍耐，工作再辛苦都要去健身、做瑜伽、做普拉提...
但係有一種人會話自己飲水都會肥。
易肥體質
咁點解有啲人會係易肥體質呢？那麼，為什麼有些人會是易胖體質呢？
咁就要詳細講下【減肥】同【新陳代謝】嘅關係
基礎代謝係維持人體基本生命中體溫、呼吸、心跳、血液循環等需要嘅基本消耗。
佢佔咗每日能量消耗嘅大半，係人體能量消耗嘅大買家。
一般人如果大量攝取熱量但唔肥，排除疾病嘅機會，就係因為佢新陳代謝快，基礎代謝高。而影響代謝嘅原因非常多，飲食、運動、情緒等等都可以係要因。
不如我地喺呢度列舉一下點樣可以提高基礎代謝？
多攝取蛋白質
飲食習慣係影響新陳代謝嘅主要原因。每日正常食三餐，食物喺進行熱反應嘅同時，消耗吸收同處理食物入面嘅營養，咁就會消耗額外嘅卡路里。
其中，素食者比葷食者基礎代謝低11%，食多啲蛋白質可以提高基礎代謝，長時間嘅飢餓會降低基礎代謝。
好多研究都證實，蛋白質可以提升飽腹感，防止暴飲暴食。另外，仲有一項小規模研究發現，如果蛋白質佔平日飲食嘅３成嘅話，每日可能攝取嘅熱量會減少大約441卡路里，研究嘅參加者仲發現自己似乎無咁容易覺得肚餓。
推薦食材：
牛奶、雞蛋、牛肉、魚肉、蝦類、豆製品、扁豆、花生、杏仁。
日常多飲茶
飲茶被證明可以增加4%-5%嘅代謝。唐代《本草拾遺》中關於茶嘅論述就曾經提到「久食令人瘦」。
現代科學研究亦證實呢一點，飲茶有助於將身體內嘅脂肪轉化成遊離脂肪酸，咁就可以將脂肪減少10%-17%。
特別係茶入面嘅「兒茶素」，係一種好好嘅抗氧劑，可以改善肌肉嘅耐力，有助於對抗疲勞，其中綠茶嘅效果最顯著。
推薦茶類：
綠茶、紅茶、烏龍茶、黑茶、花茶等。
保證睡眠質量
想減肥先要瞓個好覺。要瞓個好覺就要睡眠時間充足，兼睡眠品質良好。要瞓夠7-8個鐘，亦要無扎醒、失眠、多夢、心悸等徵兆。
睡眠品質低啲話，血糖含量升高，會導致身體出現各種唔舒服嘅狀況，激素分泌亂咗就會容易導致新陳代謝下降，長期都係咁嘅話，甚至會導致糖尿病。
推薦方法：
- 入睡前，唔好進行激烈運動。例如帶氧運動等，要係瞓之前5小時前做完。
- 改善睡眠環境。例如換啲暖色系嘅寢具，同埋更舒適嘅床墊等。室內更換柔軟舒適的暖色系用品；維持攝氏16-18度嘅清涼房間溫度；保證卧室無噪音，安靜舒適。
- 瞓之前要先俾大腦休息。遠離電子產品，可以進行輕鬆嘅閱讀、浸浴、冥想等。令大腦處於平靜狀態，例如試下諗50種蔬果名，然後慢慢產生睡意。
多做重量訓練
有氧運動會增加妳食慾，但負重訓練會降低食慾。隨着年齡增長，基礎代謝量會下降，但負重訓練可以增加肌肉，促進基礎代謝上升。
咁係因為1公斤肌肉所帶來嘅基礎代謝會比1公斤脂肪多上10倍左右。經常進行負重運動，能隨時隨地咁令基礎代謝率提高6.8%～7.8%。
推薦訓練方式：
深蹲。呢個係個最好有教練陪同嘅運動（尤其係當妳仲係新手嘅時候）。做呢個動作時，背部一定要挺直，唔係嘅話有機會會整傷背部。
深蹲時，彎曲膝蓋，讓大腿同地面平行，膝蓋唔可以超過腳尖，10秒一組，每日做個3組至5組，持之以恆就會見到效果。
開講有話「管住嘴，邁開腿」係健康減肥嘅王道。合理嘅飲食習慣，配合身體可以接受嘅強度鍛鍊，基礎代謝提高，先至係長久維持身材嘅「妙法」。
Beauty Park玩美花園從來都唔提倡節食、抽脂、減肥藥。
人類嘅身體係大自然中最偉大嘅產物之一。
任何以自己健康作為代價嘅減肥方法都係非常得不償失嘅做法！
肥瘦本身唔係定義【美】嘅代名詞，正因為每個人都擁有獨一無二嘅膚色、笑容、性格，先至會令【美】更具有多樣性同衝擊性。
我地曾經要求以瘦為美，要求迎合大眾審美，苛刻咁要求自己身體。
但我地嘅身體非常聰明，你點對佢，佢就點樣對返你。
間中俾自己同身體放個假休息，做個芳香療程、按摩、SPA，都係遠離疲累奔波生活狀態嘅好方法。
講到療癒嘅SPA沙龍，就不得不提到日本，日本嘅服務業世界聞名，特別係專為客人一掃疲憊嘅美容沙龍，更加係將服務業嘅體貼入微做到極致。
淋巴舒緩按摩、瘦身儀按摩、針對局部按摩、小臉按摩＆去角質等，日本許多SPA沙龍都有提供呢啲按摩服務，不妨針對自己嘅需要，搵一間適合自己嘅舖頭，當係獎勵吓自己~
日本SPA沙龍店家預約請點此
點下方圖片可搜尋更多店舖
©Beauty Park 玩美花園
Comments