nanoblock、變形金剛 Transformer、Thomas 路軌列車等最新商品亮相

世界最小積木nanoblock 配件超迷你僅4厘米

今次nanoblock喺玩具展上show咗今年主要嘅系列，包括有「EVA 新世紀福音戰士」、「世界遺產」、「咸蛋超人」同埋「Pokemon 寵物小精靈」。

2019年6月30日上市嘅咸蛋超人nanoblock，係咪好可愛呢？

小編越睇越鍾意東京鐵塔，應該亦有人同小編一樣想要將東京鐵塔擺喺屋企日日欣賞吧。紙模型雖然睇起嚟結構簡單，適合初學者。但係，有啲作品要整得佢靚靚嘅，其實都幾有難度，就好似相片入面嘅東京鐵塔，要完美呈現出平衡同對稱，係相當唔容易。

居然，紙模型仲可以完整重現城堡疊！！難度應該破表(?)

第一次去東京觀光必去嘅景點之一，就係淺草寺「雷門」囉。還原度超高，令小編不禁諗起第一次見到雷門燈籠嘅感動啊～～

如果唔知道要買乜嘢做手信，其實呢類紙模型或者係一項好選擇。。

變形金剛Transformer，無呃你架，真係可以「變身」嘅玩具。呢系列玩具不斷出咗新款，有好多唔同款式可以變身做機械人，有又有趣又易玩，好適合大人小朋友一齊玩。

由於鍾意Transformer嘅朋友不限年齡，所以玩具廠亦都為大朋友推出咗大人版本，就係相入面較大嘅變形金剛，除咗大啲之外，當然要變身就更加複雜，更加像真～

路軌列車可以話係經典到無得再經典嘅玩具，除咗一般火車模型之外，卡通角色實體化嘅商品亦相當受歡迎，就好似呢款Thomas小火車就係人氣商品之一。

無論去到幾多歲都可以買玩具玩，因為人生係要是勿忘童心嘛！