喺「Cool Japan」日本動漫產業裡面，名揚海外深受歡迎嘅日本作品其中一個就係《名偵探柯南》。除左原著漫畫之外，仲有電視動畫，同埋超過20部嘅電影版系列作品，係一部家傳戶曉嘅大作品。上一次介紹咗第6名至第4名嘅「名偵探柯南人氣男性角色調查」排名結果，今次為大家隆重揭曉前三名！
想複習一下第6位至第4位的朋友，請按此
第3位 怪盜基德（776票）
同第4名嘅服部平次一樣成日出現係電視動畫同電影系列，成為大家都習以為常嘅角色之一，但怪盜基德同服部平次唔同，可以話係柯南嘅競爭對手。雖然理論上怪盜基德應該同柯南係敵對狀態，但成日都會隨著劇情的發展，經常睇埋柯南呢一邊，幫助柯南解決事件。怪盜基德出現喺《名偵探柯南》之前，原本係漫畫《神偷怪盜》嘅角色，喺名偵探柯南作品入面，最初以「特別客串嘉賓」身分登場，但而家大家對佢嘅印象，已經變咗柯南常駐角色之一。
喺2010年上映的第14部電影版《名偵探柯南：天空的劫難船》怪盜基德作為主要角色登場，配合電影上畫，製作團隊仲製作了一連串企劃，為咗推「怪盜基德」角色魅力。其中出現咗怪盜基德專屬嘅空中動作場景，亦係柯南作品本身屬難得珍貴之作。喺系列電影作品裡，怪盜基德嘅活躍場面唔少，呢一部作品可算係確立咗怪盜基德喺柯南系列中嘅地位。
第2名 赤井秀一（1,229票）
赤井秀一呢個角色最初係一名戴著針織帽登場嘅謎之男子，後來揭曉佢嘅身分係FBI探員。喺大家確認赤井秀一並非敵人嘅那刻，劇情瞬變，黑衣組織殺咗赤井秀一。但實際上，大家都被誤導了，赤井秀一並未被殺害，反而隱姓埋名咁變成沖矢昂匿埋咗。最初確定沖矢昂嘅真面目係赤井秀一嘅場面，其實係電影版嘅內容。2014年上映嘅第18部電影版《名偵探柯南：異次元的狙擊手》公布咗原作尚未發表嘅事實真相，畀去睇電影嘅觀眾朋友一個意外驚喜。
順便一提，赤井秀一唔係用沖矢昂嘅身分，而係用返赤井秀一嘅身分首次出場嘅電影版係2016年嘅第20部電影版《名偵探柯南：純黑的噩夢》。喺呢部電影版入面赤井秀一大顯身手，可以見到平時表現冷酷嘅佢，多咗好多熱血精彩嘅動作場面。
第1名 安室透（1,864票）
獲得第31屆小學館DIME流行趨勢獎嘅最佳角色，製造咗熱門話題嘅角色安室透，比作品主角柯南仲要受歡迎。擁有3個唔同身份嘅佢，既係私家偵探嘅同時，亦係黑衣組織嘅一員，仲要係日本公安警察。各種身分之間切換自如嘅佢，同赤井秀一因緣不淺，只要遇上赤井秀一，有時會流露出難得情緒化嘅一面。
安室透折起咗熱門話題，引發社會現象嘅開端就係第22部電影版《名偵探柯南：零的執行人》。安室透為故事劇情嘅關鍵人物大放異彩，亦製造咗系列作品中嘅最高票房新紀錄，可見佢嘅人氣幾咁旺盛。而安室透本身充滿謎題，喺呢部電影當中，仲安排咗柯南問安室有無交往對象嘅場景(真係人氣偶像咁)，要安室透認真回答。到底，安室透會怎麼回答柯南嘅問題呢？呢個都係值得關注嘅焦點之一。
同場加映：人氣排行榜番外篇
另外在嘁總票數6,825的調查問卷之中，公安警察「風見裕也」（326票）、安室透嘅警察學校同學「松田陣平」（226票）、由倫敦返嚟嘅高中生偵探「白馬探」（129票）、同埋黑衣組織嘅幹部「琴酒」（120票）等角色都獲得了唔少票數。
完整文章請看：名偵探柯南人氣角色投票結果揭曉！第一名是誰？人氣排行及更多詳細介紹
© 2017 青山剛昌／名偵探柯南製作委員會、© 2010青山剛昌／名偵探柯南製作委員會、© 2016 青山剛昌／名偵探柯南製作委員會、© 2018 青山剛昌／名偵探柯南製作委員會、© 2019 青山剛昌／名偵探柯南製作委員會
Comments