名偵探柯南電影版系列每年都推出唔同嘅新花款嚟比觀眾驚喜，到目前為止一共推出了超過20部作品，要從第一部開始回味，恐怕要花唔少時間。今次為大家發表「名偵探柯南人氣男性角色排行（總回答數6,825）」結果嘅同時，一齊介紹呢啲角色喺邊套電影版入面特別活躍，同埋點樣大顯身手。首先為大家發表第6名至第4名…。
第６名 江戶川柯南（415票）
作品名叫《名偵探柯南》，主角就係江戶川柯南，相信都唔使點介紹。大家都知道，柯南嘅真面目係高中偵探工藤新一，佢被黑衣人組織逼迫飲咗下神秘藥物，導致身體縮小，變成小學生一年級嘅柯南。劇情隨著故事獨特嘅時間軸發展，由第一集到而家過咗20年，柯南都仲係小學一年級生嘅姿態，應該有唔少人懷疑過柯南點解會全停止成長吧。
其實柯南係有改變過架，如果大家有時間去睇返1997年上映嘅第一部電影版《名偵探柯南：引爆摩天樓》。柯南嘅視覺設計都有隨住時代變遷，原著同早期嘅電視動畫當中，柯南嘅輪廓比而家圓潤，耳仔畫得比較大嘅。而第一部上映嘅早期電影，亦都係承繼咗相同嘅「舊柯南」設計。
第5名 工藤新一（443票）
柯南嘅原形(?)工藤新一亦多次喺電影版中登場。但係，幾乎都係出現喺回憶中嘅場景。喺設定上，原著入面都好少見到柯南變返工藤新一，或者好多時以係新一出現，但其實係怪盜基德嘅變裝，專登誤導觀眾嘅情況好多。
如果想睇新一嘅話，大家可以睇返2003年上畫嘅第7部電影版《名偵探柯南：迷宮的十字路口》。呢部作品，運用咗某種方法，令工藤新一可以大展身手。喺當時畀到觀眾好大驚喜，掀起一時話題，係鍾意工藤新一嘅人絕對不能錯過嘅作品。
第4名 服部平次（696票）
身為關西高中生名偵探的服部平次，同柯南之間既係競爭對手，又係好朋友。以自己嘅實力發現柯南嘅真實身分係工藤新一，對工藤新一嘅強烈愛意（？）可謂係發自真心。劇情發展至今，兩人一齊出現嘅時候，多數同柯南搭配合得天衣無縫、默契十足。
喺電影版系列，服部平次係負責做電單車手嘅重要角色(?)，呢啲場面俾服部可以chok下型樣，而喺漫畫原著入面就好少見到。1999年上畫嘅第3部電影版《名偵探柯南：世紀末的魔術師》，係服部平次首次登場嘅電影版作品，喺電影前半，服部同柯南一齊協力追捕怪盜基德，非常活躍。
另外，第21部電影版《名偵探柯南：唐紅的戀歌》（2017年上映）主要描述服部平次同青梅竹馬嘅遠山和葉之間故事，喺電影嘅最大場面入面，服部平次發揮咗高超駕駛技術。如果講柯南就諗起滑板，咁服部平次就係電單車。有呢啲咁型咁正嘅動作場，可以話係柯南作品嘅其中一個魅力。
您鍾意嘅角色喺排行榜上第幾名呢？令人期待嘅第1名至第3名到底係邊個？？留返喺後篇介紹，千祈唔好錯過！
完整文章：名偵探柯南人氣角色投票結果揭曉！第一名是誰？人氣排行及更多詳細介紹
©2017 青山剛昌／名偵探柯南製作委員會、 ©2010青山剛昌／名偵探柯南製作委員會、©2016 青山剛昌／名偵探柯南製作委員會、©2018 青山剛昌／名偵探柯南製作委員會、©2019 青山剛昌／名偵探柯南製作委員會
Comments