G20大阪峰啱啱喺6月28日至29日舉行完，各國首腦嘅會面內容固然令人關心，同樣引起話題嘅係日本高水準嘅招待規格。今次主辦當局以日本文化為重點款待客人，無論係喺大阪迎賓館舉行嘅晚宴，定係放喺酒店客房入面嘅茶點，都充滿左日本特色。
國際水準嘅日本時節料理
喺6月28日夜晚，於大阪迎賓館舉行嘅晚宴，由「辻調集團」負責監修料理，以「持續發展ｘ文化美食的融合」為題，準備左包括素食等七種唔同嘅選擇，全部都富有日本季節特色嘅同時，亦為唔同宗教、飲食習慣嘅貴賓提供選擇。我地一齊嚟窺看下其中一部份嘅菜式！
～夏之到來～
燒粟米法式燉蛋
甲殼類啫喱 紫蘇葉
～手毬～
自然薯與蓮藕餅加色鮮根類野菜
藏圍熟成利尻昆布及野菜湯
～夏祭～
賀茂茄子的夏祭版本
味噌與紫蘇之香
～日本夏天的禮物～
白桃
另外喺會議中途，亦有提供名為「日本八重奏」嘅點心小食俾各國人員喺小休中享用。只睇擺出嚟個樣，差啲以為係新式花道作品。所以美食真係要有美感。
傳揚「日本茶文化」嘅高級玉露
嚟參加G20嘅各國人員所住嘅飯店，喺房入面準備左由宇治園提供嘅「Bottling Tea （瓶裝日本茶）」，當然呢樽茶唔會係我地平時可以隨便喺便利店買到嘅野啦。而係用左「京都府宇治田原產100％玉露」，用特別方法抽出，再以近似酒瓶嘅容器包裝，可以將味道保持1年以上嘅高級日本茶。呢支茶連個名都似法國酒，叫「Gottas de Especial Gyokuro(玉露)」，承惠6480円。
G20嘅手信？ 傳統燒菓子配皇室御用漆器
酒店房入面除左備有樽裝茶，仲有和菓子供應。今次就選用左Bicerin 嘅「抹茶Baci di Dama」同埋「八尾枝豆曲奇」。「抹茶Baci di Dama」係用伊勢神宮 神宮司廳御用達銘「茶芳翠園」嘅抹茶製造；而枝豆曲奇則採用了京都府八尾市Yuuk農園嘅枝豆。今次為左紀念G20峰會，Bicerin仲特別推出左用宮內廳御用漆用達漆器「山田平安堂」嘅盒包裝嘅手信。由7月1日起於高島屋等指定專門店限定發售。
Comments